ខេត្តសៀមរាប ៖ ពិតជាមិនធ្លាប់មាននៅខេត្តសៀមរាបសោះ គឺប្តីចុងខាំត្រចៀកប្រពន្ធដាច់ហូរឈាម ឯប្រពន្ធខឹងទាញប្រដាប់ភេទប្តីមកខាំ បណ្តាលឱ្យដាច់ហូរឈាម ខណៈបាននាំគ្នាផឹកស្រាស្រវឹងទាំង២នាក់ តាំងពីព្រឹកព្រលឹម បង្កឱ្យមានការភ្ញាក់ផ្អើល តែសំណាងល្អ បានក្រុមគ្រួសារដឹកយកទៅសង្គ្រោះ នៅមន្ទីរពេទ្យបង្អែកស្រុកក្រឡាញ់ទាន់ កុំអីទៅជាយ៉ាងណាហើយទេ?ដែលហេតុការភ្ញាក់ផ្អើលនោះបានកើតឡើងនៅវេលាម៉ោង៨និង៤០នាទីព្រឹក ថ្ងៃទី០១ ខែមិថុនា ឆ្នាំ២០១៩ ក្នុងភូមិភ្នំទ្រង់បាត ឃុំកំពង់ថ្កូវ ស្រុកក្រឡាញ់ ខេត្តសៀមរាប ។
លោកវរសេនីយ៍ឯក ជី បេងជន អធិការស្រុកក្រឡាញ់បានប្រាប់នៅរសៀលថ្ងៃទី០១ ខែមិថុនា នេះថា បន្ទាប់ពីមានករណីអំពើហិង្សាក្នុងគ្រួសារក្នុងផ្ទះ២នាក់ប្តីប្រពន្ធនោះមក ត្រូវបានប្រជាពលរដ្ឋ និងប្រជាការពារភូមិនៅជិតនោះបានរាយការណ៍មកអធិការស្រុកថា ករណីហិង្សាក្នុងគ្រួសារនោះឈានដល់វាយតប់គ្នា បណ្តាលឱ្យរបួសសងខាង ។ លោកបានបញ្ជាក់ថា មុនកើតហេតុប្រពន្ធឈ្មោះ ជុំ វឿង អាយុ៤០ឆ្នាំ បានហៅប្តី (ចុង) ឈ្មោះលី លាប អាយុ៣៨ឆ្នាំ ដែលកំពុងដេកលើគ្រែក្រោមផ្ទះ ដើម្បីឡើងមកហូបបាយ ដោយហៅម្តង ជាពីរដង នៅតែប្តីមិនព្រមងើប ទើបឈានដល់ប្រើអំពើហិង្សាប្រតាយប្រតប់គ្នាក្នុងនោះ ហើយប្តីចុងខឹងក៏បានខាំត្រចៀកប្រពន្ធ បណ្តាលឱ្យរបួសដាច់រលាត់ត្រចៀកផ្នែកខាងឆ្វេង ។ ចំណែកប្រពន្ធខឹងក៏បានខាំប្រដាប់ភេទប្តីវិញ បណ្តាលឱ្យប្តីរងរបួសដាច់រយះស្បែកពងស្វាសផ្នែកខាងស្តាំ ។
លោកបានបញ្ជាក់ទៀតថា ប្តីប្រពន្ធយកគ្នាក្រោយនេះ គ្មានកូនទេ ប៉ុន្តែស្ត្រីនោះមានកូន៣ នាក់ (ប្រុស១ ស្រី២) នៅក្នុងបន្ទុកជាកូនប្តីមុនទេ ។ ចំពោះមូលហេតុ ស្រវឹងស្រាទាំង២នាក់ប្តី ប្រពន្ធទាំងព្រឹក ។ ក្រោយពេលកើតហេតុជនរងគ្រោះត្រូវបានក្រុមគ្រួសារដឹកមកព្យាបាលនៅមន្ទីរពេទ្យបង្អែកស្រុកក្រឡាញ់ ។ ដោយបច្ចុប្បន្ន ប្តីប្រពន្ធ២នាក់ខាងលើ បន្ទាប់ពីក្រុមគ្រូពេទ្យបានជួយព្យាបាលរួចហើយក៏ត្រូវរ៉ូវគ្នាវិញ ។ ចំណែកប្តីត្រូវបានគ្រូពេទ្យដេរប្រដាប់ភេទជិតវិញវហើយអាចដំណើរវិញបាន ។
សូមបញ្ជាក់បន្ថែមថា ក្រោយពីដឹងខ្លួនពីស្រវឹងទាំង២នាក់ និងបានក្រុមគ្រូពេទ្យជួយព្យាបាលរួចរាល់អស់ហើយមកដល់ម៉ោងនេះបានយល់ព្រមរស់នៅជាមួយគ្នាវិញតទៅទៀតហើយ ៕ កែសម្រួលដោយ៖សុឃាក់
ចែករំលែកព័តមាននេះ