តាមប្រភពព័ត៌មាន Daily Mail បានឱ្យដឹងថា កីឡាករជើងខ្លាំងជាវីរបុរសរបស់ប្រេស៊ីល Ronaldo ដែលជាម្ចាស់ពាន World Cup បានរៀបរាប់ឈ្មោះកីឡាករដែលខ្លួនចូលចិត្តមើលការប្រកួតរបស់ពួកគេហើយនៅក្នុងនោះគ្មានឈ្មោះរបស់…
តាមប្រភពព័ត៌មាន Daily Mail បានឱ្យដឹងថា កីឡាករជើងខ្លាំងជាវីរបុរសរបស់ប្រេស៊ីល Ronaldo ដែលជាម្ចាស់ពាន World Cup បានរៀបរាប់ឈ្មោះកីឡាករដែលខ្លួនចូលចិត្តមើលការប្រកួតរបស់ពួកគេហើយនៅក្នុងនោះគ្មានឈ្មោះរបស់ Cristiano Ronaldo ព័រទុយហ្កាល់ឡើយ ។
Cristiano Ronaldo គីជាកីឡាករខ្លាំងជាងគេក្នុងចំណោមកីឡាករពីរនាក់ដែលម្នាក់ទៀតគឺជាគូប្រជែង Lionel Messi តែសម្រាប់ Ronaldo ប្រេស៊ីលមិនបានចូលចិត្តមើលការប្រកួតរបស់ Cristiano Ronaldo ឡើយ ព្រោះពេលនេះគេលេងផ្តោតតែលើចំនួនគ្រាប់បាល់ស៊ុតបញ្ចូលទីពេកហើយមិនគិតពីរបៀបលេងឱ្យល្អមើលដូចកាលពីមុន ។
Ronaldo ជើងចាស់បានប្រាប់ទៅសារព័ត៌មាន AS ថា ៖«Messi គឺកីឡាករម្នាក់ដែលពិបាកនឹងរកនរណាគេមកលេងឱ្យល្អដូចណាស់ ។ ខ្ញុំក៏ចូលចិត្តការលេងរបស់ Mohamed Salah, Eden Hazard, Neymar និង Kylian Mbappe» ។
ជាមួយគ្នានេះដែរ លោកក៏បានលើកឡើងថា Mbappe មានលក្ខណៈការលេងស្រដៀងនឹងលោក បើទោះបីជាលោកមិនចូលចិត្តធ្វើការប្រៀបធៀបក៏ដោយ ៕
កែសម្រួលដោយ ៖ សំណាង
ចែករំលែកព័តមាននេះ