គូស្នេហ៍ជាច្រើនដែលជាតារានិងតារា ឬតារានិងអ្នកក្រៅរង្វង់សិល្បៈក៏ដោយ ក៏តែងទទួលបាននូវភាពសមប្រកប និងការសាទរយ៉ាងច្រើនពីសំណាក់ទស្សនិកជន ។ ប៉ុន្តែវាក៏មិនទាំងអស់ដែរ មានគូខ្លះក៏មិនសមប្រកប ឬទទួលបានរិះគន់ផងដែរ។
ជាក់ស្ដែងសម្រាប់គូស្នេហ៍ Min ដែលជាសង្សាររបស់តារាល្បីថៃ Tor Thanapop គឺគូស្នេហ៍នឹងគ្នាមកជិត ៩ ឆ្នាំហើយ តែគេមិនសូវបានឃើញរូបគូរបស់អ្នកទាំងពីរប៉ុន្មានទេ ហើយគណនីអ៊ិនស្តាក្រាមរបស់ខាងស្រី ក៏បានបិទជាប្រ៉ាយវ៉េត (ជាឯកជន) យ៉ាងរៀបរយទៀតផង។ អ្នកនិយមលេងអ៊ីនធើណេតក្រុមខ្លះ ដែលមិនចូលចិត្តនាង បានបញ្ចេញទស្សនៈថានាងមិនសាកសមនឹងលោក ត៎ តាំងពីដើមមក។ ក្រោយពី ត៎ បានបង្ហាញថាខ្លួនជាគូស្នេហ៍នឹង មីន មកជាង ៥ ឆ្នាំនោះ ក៏មានការមាក់ងាយឬឌឺដងមករហូតផងដែរធ្វើឱ្យនាង មីន បង្ហោះសារដូចតទៅ៖
«ខ្ញុំយល់ច្បាស់ ហើយខ្ញុំក៏ស៊ាំនឹងវាហើយ រឿងមួយគត់ដែលនាងខ្ញុំចង់និយាយគឺ ខ្ញុំអាចនឹងមិនស្អាត មិនល្អគ្រប់យ៉ាងដូចអ្វីដែលអ្នកប្រាថ្នាចង់ប្រាប់អាយដលរបស់អ្នក ទាក់ទងនឹងមនុស្សដូចខ្ញុំ។ តែខ្ញុំមិនបានធ្វើអ្វីខុសនោះទេ ហើយខ្ញុំមិនធ្លាប់ធ្វើអាក្រក់ចំពោះពួកអ្នកដែរ គ្រាន់តែប្រើជីវិតបែបមនុស្សធម្មតាម្នាក់ ដោយគ្រាន់តែចង់បាននូវការគាំទ្រដល់មនុស្សដែលគាត់ [គូស្នេហ៍នាង] ស្រឡាញ់ នូវរាល់អ្វីៗដែលគាត់ធ្វើ។
៨ ឆ្នាំ ៨ ខែ ដែលពួកយើងទាក់ទងគ្នា ខ្ញុំមិនដែលធ្លាប់បង្ហោះរូបដែលមិនសមរម្យ មិនធ្លាប់
ផូសត៍អ្វីដែលទៅធ្វើឱ្យខូចអារម្មណ៍របស់ពួកអ្នកទេ។ សុំទោស បើសិនជាខ្ញុំធ្វើអ្វីឱ្យអ្នកមិនពេញចិត្ត។ ខ្ញុំយល់ច្បាស់ថា វាមិនអាចទៅរួចទេដែលនឹងឱ្យអ្នកណាមកយល់ពីអារម្មណ៍របស់ខ្ញុំ តែបើសិនជាអ្នកសាកមកជួបដូចខ្ញុំ អ្នកក៏នឹងដឹងថាវាឈឺចាប់ប៉ុណ្ណា។»
ប៉ុន្តែក៏មានអ្នកលេងអ៊ិនស្តាក្រាមមួយចំនួនធំ មិនចង់ឱ្យ មីន ដាក់គណនីខ្លួនជា
ប្រ៉ាយវ៉េតឡើយ ព្រោះចង់ចូលទៅខមមឹនត៍ឱ្យកម្លាំងចិត្តនាង ហើយសរសើរ និងយល់ពីស្នេហារបស់អ្នកទាំងពីរដែរ ៕
កែសម្រួលដោយ ៖ សំណាង
ចែករំលែកព័តមាននេះ