អុញនុះ ! MacBook Pro កំពុងប្រើសុខៗស្រាប់តែផ្ទុះឆេះហុយផ្សែងទ្រលោម
ប្រភពព័ត៌មាន iclarified បានផ្សាយឱ្យដឹងថា ម្ចាស់គណនី Reddit មានឈ្មោះថា White Panda ដែលគាត់ជា DJ…
ប្រភពព័ត៌មាន iclarified បានផ្សាយឱ្យដឹងថា ម្ចាស់គណនី Reddit មានឈ្មោះថា White Panda ដែលគាត់ជា DJ…
ប្រភពព័ត៌មាន iclarified បានផ្សាយឱ្យដឹងថា ម្ចាស់គណនី Reddit មានឈ្មោះថា White Panda ដែលគាត់ជា DJ និងជាផលិតករតន្ត្រីមួយរូបបាននិយាយថាកុំព្យូទ័រយួរដៃ MacBook Pro របស់លោកបានផ្ទុះឆេះក្នុងអំឡុងពេលកំពុងប្រើប្រាស់ធម្មតា ។
លោកបានរៀបរាប់ពីស្ថានភាពហើយបានបង្ហោះនៅលើ Reddit ថាវាត្រូវបានដាក់នៅលើភ្លៅរបស់ខ្ញុំ ដោយដោតសាកថ្ម ហើយភ្លាមនោះវាបានចាប់ផ្តើមចេញផ្សែងពីជ្រុងទាំងពីរ ។ ខ្ញុំបានដាក់វាចុះយ៉ាងរហ័ស ហើយផ្សែងកាន់តែច្រើនឡើង បន្ទាប់មកវាបានផ្ទុះឆេះ ។ ផ្សែងក្លិនពុលមានពាសពេញផ្ទះរបស់ខ្ញុំហើយបង្កឱ្យមានសំឡេងរោទិ៍ តែគ្មាននរណាម្នាក់រងរបួសទេ ប៉ុន្តែផ្ទះខ្ញុំមានការខូចខាតខ្លះ ។
ប្រភព iclarified បានឱ្យដឹងទៀតថា White Panda បានពាក់ស្រោមដៃការពារកម្តៅហើយលើកកុំព្យូទ័រនោះទៅដាក់នៅរានហាលផ្ទះ ។ មួយម៉ោងក្រោយមកគាត់បានយកកុំព្យូទ័រយួរដៃដែលផ្ទុះឆេះនេះទៅ Apple Store ។
ពួកគេបានយល់ពីស្ថានភាពខូចខាតធ្ងន់ធ្ងរ ហើយឧបករណ៍នេះចំណាយពេល ២៤ ម៉ោងនៅក្នុងកន្លែងដែលមានសុវត្ថិភាព ។ ទោះជាយ៉ាងណាក៏ដោយក្រុមហ៊ុន Apple មិនទាន់ធ្វើអត្ថាធិប្បាយពីរឿងនេះទេ ហើយប្រភពក៏មិនបានបញ្ជាក់ថាតើ វាកើតឡើងនៅក្នុងប្រទេសណាដែរ ៕
កែសម្រួលដោយ ៖ សំណាង
ចែករំលែកព័តមាននេះ