រកឃើញហើយ…លោកប៉ូលិសព្រមទទួលកំហុស និងប្រគល់អាយផេតវិញ
- ភ្នំពេញ
រាជធានីភ្នំពេញ ៖ ទីបំផុត បុរសជាមន្ត្រីនគរបាលម្នាក់ ដែលសង្ស័យមានចេតនាបន្លំយកអាយផេតមួយគ្រឿងនោះ មុននេះបានមកសារភាព និងទទួលកំហុសហើយ ។ នេះបើយោងលោកអធិការនគរបាលខណ្ឌទួលគោក លោក…
រាជធានីភ្នំពេញ ៖ ទីបំផុត បុរសជាមន្ត្រីនគរបាលម្នាក់ ដែលសង្ស័យមានចេតនាបន្លំយកអាយផេតមួយគ្រឿងនោះ មុននេះបានមកសារភាព និងទទួលកំហុសហើយ ។ នេះបើយោងលោកអធិការនគរបាលខណ្ឌទួលគោក លោក សុខ ហេង បានប្រាប់បណ្ដាញព័ត៌មានក្នុងស្រុកនៅមុននេះបន្តិច នារសៀលថ្ងៃទី៣០ ឧសភា ។
លោកអធិការបញ្ជាក់ទៀតថា កម្លាំងនគរបាលបានសហការជាមួយកម្លាំងនគរបាលសន្ដិសុខ នៃស្នងការដ្ឋាននគរបាលរាជធានីភ្នំពេញ ក្រោមការបញ្ជាលោកឧត្តមសេនីយ៍ស្នងការផង ធ្វើការស្រាវជ្រាវយ៉ាងយកចិត្តទុកដាក់ ហើយក៏រកឃើញមន្ដ្រីនគរបាលរូបនោះ ដោយគាត់យល់ព្រមចូលមកសារភាពពីកំហុស និងព្រមប្រគល់អាយផេតទៅម្ចាស់ហាង ។
ទោះបីជាយ៉ាងណា លោកអធិការខណ្ឌទួលគោកមិនបានបង្ហាញអត្តសញ្ញាណមន្ត្រីនគរបាលរូបនោះទេ ហើយក៏មិនដឹងនៅអង្គភាពណាដែរ ។ (សម្រួលដោយ៖ ស្រីណា)
គួររំលឹកថា ៖ លើបណ្តាញសង្គមថ្ងៃនេះ…ផ្អើលលោកប៉ូលិសម្នាក់ បន្លំលួចអាយផេត!?
ចែករំលែកព័តមាននេះ