គម្រោងដីឡូត៍ទី៥ របស់ក្រុមហ៊ុន ខេអេច លែន សម្ពោធជាផ្លូវការនៅស្រុកអង្គស្នួល ខេត្តកណ្តាល
- ភ្នំពេញ
រាជធានីភ្នំពេញ ៖ កាលពីថ្ងៃទី២៨ ខែឧសភា ឆ្នាំ២០១៩ ក្រុមហ៊ុន ខេអេច លែន (KH Land…
រាជធានីភ្នំពេញ ៖ កាលពីថ្ងៃទី២៨ ខែឧសភា ឆ្នាំ២០១៩ ក្រុមហ៊ុន ខេអេច លែន (KH Land…
រាជធានីភ្នំពេញ ៖ កាលពីថ្ងៃទី២៨ ខែឧសភា ឆ្នាំ២០១៩ ក្រុមហ៊ុន ខេអេច លែន (KH Land Co.,Ltd) បានសម្ពោធគម្រោងដីឡូត៍ទី៥ របស់ខ្លូនដែលមានទីតាំងស្ថិតនៅភូមិល្វី ឃុំសំរោងលើ ស្រុកអង្គស្នួល ខេត្តកណ្តាល ។ ក្រុមហ៊ុន ខេអេច លែន បានចុះបញ្ជីយ៉ាងត្រឹមត្រូវនៅក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ ព្រមទាំងទទួលបានលិខិតអនុញ្ញាតវិនិយោគ អភិវឌ្ឍដីឡូត៍ជាច្រើនគម្រោងរួចមកហើយលើផ្ទៃដីរាប់សិបហិចតា ប្រកបដោយភាពជោគជ័យ និងផ្លែផ្កាគួរជាទីមោទនៈ ។
នៅក្នុងពិធីសម្ពោធគម្រោងដីឡូត៍ទី៥ នេះផងដែរ លោក ថុន បូរ៉ា អគ្គនាយកក្រុមហ៊ុន ខេអេច លែន មានប្រសាសន៍ថា ក្រុមហ៊ុនមានចក្ខុវិស័យវែងឆ្ងាយក្នុងវិស័យអចលនទ្រព្យ ដោយមើលឃើញពីកំណើនសេដ្ឋកិច្ចនៅក្នុងតំបន់ និងនៅក្នុងប្រទេសកម្ពុជា កំណើនប្រជាជន កំណើនវិនិយោគ និងការអភិវឌ្ឍ ដែលកំពុងស្ទុះឡើងយ៉ាងខ្លាំង ។
លោកបានបន្តទៀតថា ក្រុមហ៊ុនបានសិក្សាវិភាគច្បាស់លាស់ និងស៊ីជម្រៅក្នុងការជ្រើសរើសទីតាំងល្អៗសម្រាប់អភិវឌ្ឍគម្រោងដែលមានប្រជាជនរស់នៅកុះករ មានសក្តានុពលសេដ្ឋកិច្ចខ្លាំង មានការអភិវឌ្ឍរបស់រដ្ឋ និងឯកជន មានហេដ្ឋារចនាសម្ព័ន្ធស្តង់ដាខ្ពស់ ។ល។ មិនត្រឹមតែប៉ុណ្ណោះក្រុមហ៊ុនក៏បាននិងកំពុងពង្រីកទំហំនៃការវិនិយោគទៅលើគម្រោងផ្ទះល្វែង បុរី ខុនដូ អគារពាណិជ្ជកម្ម និងរមណីយដ្ឋានជាដើម ស្របពេលដែលជីវភាពប្រជាជនកាន់តែប្រសើរ ហើយសេដ្ឋកិច្ចកម្ពុជាកំពុងរីកចម្រើនក្នុងសម័យសកលភាវូបណីយកម្ម ។
អគ្គនាយកក្រុមហ៊ុន ខេអេច លែន បានបញ្ជាក់ទៀតថា ក្រុមហ៊ុនប្រកាន់ខ្ជាប់នូវគុណតម្លៃ អតិថិជនជាចំបង ផ្តល់ជូនសុវត្ថិភាព និងទំនុកចិត្តខ្ពស់ មានភាពស្មោះត្រង់ មានគុណធម៌ ហើយប្តជ្ញាខិតខំអភិវឌ្ឍឱ្យកាន់តែប្រសើរ ។ ក្រុមហ៊ុនតែងរិះរកយុទ្ធសាស្ត្រថ្មីៗ ឈ្នះៗសម្រាប់ផ្តល់ជូនអតិថិជន ដើម្បីរួមគ្នាឆ្ពោះទៅកាន់ភាពជោគជ័យ ។
ជាមួយនឹងការសម្ភោធគម្រោងដីឡូត៍ទី ៥ របស់ក្រុមហ៊ុន ខេអេច លែន នៅទីតាំងខាងលើ នឹងជួយឲ្យតម្លៃដីធ្លី និងអចលទ្រព្យនៅតំបន់មួយនេះនឹងមានតម្លៃកើនឡើងខ្ពស់មួយកម្រិតទៀតផង ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ