ខេត្តតាកែវ ៖ គ្រឿងអលង្ការជាមាសចំនួនជាង៣គីឡូក្រាម ដែលត្រូវបានក្រុមចោរចូលលួចយកដោយសុវត្ថិភាពដោយគ្មានការរំខាននោះ ខណៈត្រូវបានសមត្ថកិច្ចស្រុកសំរោងនិយាយថា នេះជាការនិយាយបំប៉ោងអំពីចំនួនមាសដែលចោគាស់យកទៅ ។
សេចក្តីរាយការណ៍បន្តថា ផ្ទះដែលត្រូវចោចូលគាស់យកមាសនេះ ស្ថិតចំណុចភូមិស្វាយទង ឃុំខ្វាវ ស្រុកសំរោង ខេត្តតាកែវ ។
ម្ចាស់ផ្ទះខាងលើមានឈ្មោះនាង ឈាង ភេទប្រុស អាយុ៥៥ឆ្នាំ មុខរបរលក់មាសនិងប្តូរប្រាក់ ដោយគាត់អះអាងថា គ្រឿងមាសត្រូវចោរគាស់យកបាត់បង់អស់ចំនួន៣,៥គីឡូក្រាមឯណោះ ។
លោកអធិការនគរបាលស្រុកក៏បានឱ្យជនរងគ្រោះបង្ហាញពីកាមេរ៉ាសុវត្ថិភាព ក៏ឃើញក្រុមចោរចូលធ្វើសកម្មភាពវេលាម៉ោង១និង២០នាទីយប់ថ្ងៃទី២៩ ឧសភា ឆ្នាំ២០១៩ មែន ដោយដំបូងពួកគេចាប់កាត់ចំរឹងបង្អូតផ្ទះ ហើយចូលទៅទម្លុះទូទុកមាសនិងលុយក្នុងផ្ទះប្រមូលយកគ្មានសល់ រួចក៏បានចេញក្រៅគេចខ្លួនបាត់តែម្តង។
លោកមឿង សារន អធិការនគរបាលស្រុកសំរោងបានបញ្ជាក់ថា រហូតមកដល់ថ្ងៃទី៣០ ឧសភា នេះ កម្លាំងស្រុក និងព្រហ្មទណ្ទខេត្តបានសហការគ្នា ដើម្បីធ្វើការស្រាវជ្រាវវែកមុខជនសង្ស័យហើយ ព្រោះមានរូបភាពនៅក្នុងកាមេរ៉ាសុវត្ថិភាពមានស្រាប់ ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ