ឥឡូវនេះអ្នកវិទ្យាសាស្ដ្របានរកឃើញវិធីប្រើរចនាសម្ព័ន្ធតូចៗទាំងនោះដើម្បីយកមករក្សាលំនៅដ្ឋានឱ្យមានភាពត្រជាក់ ។ អ្នកស្រាវជ្រាវនៅសាកលវិទ្យាល័យ Maryland និងសាកលវិទ្យាល័យ Colorado Boulder និយាយថា វត្ថុធាតុដើមនេះអាចសន្សំបាន ២០% ពីការចំណាយថ្លៃភ្លើងទៅលើការប្រើប្រាស់ម៉ាស៊ីនត្រជាក់ ។
សារព័ត៌មាន slashgear បានឱ្យដឹងថា ការស្រាវជ្រាវយកប្រយោជន៍ពីសារធាតុ Cellulose Nanofibers និងអង្គធាតុសរសៃឈាមធម្មជាតិនៅក្នុងឈើដែលត្រូវបានកែច្នៃក្នុងរបៀបមួយដោយបង្កើតលក្ខណៈសម្បត្តិអុបទិកនៅក្នុងសម្ភារៈដែលអាចបញ្ចេញកំដៅឱ្យចេញឆ្ងាយ ។
បន្ទាប់ពីធ្វើពិសោធជាច្រើនដំណាក់កាលរួចមកជាលទ្ធផលគឺវត្ថុធាតុដើមនេះអាចត្រូវបានប្រើដើម្បីសាងសង់ដំបូលដោយវាអាចបឺតកំដៅចេញពីអគារ ហើយលក្ខណៈសម្បត្តិនៃការបណ្ដេញកំដៅនេះមិនតម្រូវឱ្យប្រើអគ្គីសនីនោះទេ ។
ការធ្វើតេស្តនៅពេលថ្ងៃក្តៅ និងពោរពេញទៅដោយពន្លឺព្រះអាទិត្យនៅរដ្ឋអារីហ្សូណាបង្ហាញថាឈើត្រជាក់ស្ថិតនៅពី ៥-៦ អង្សាហ្វារិនហៃ (Fahrenheit) ទោះជានៅក្នុងពេលថ្ងៃក្តៅខ្លាំងបំផុតក៏ដោយ ។ វាត្រជាក់ជាងឈើធម្មជាតិរហូតដល់ទៅ ១២ ដឺក្រេឯណោះ តែទោះជាយ៉ាងណាក៏ដោយមិនមានការចង្អុលបង្ហាញថាតើនៅពេលណាដែលប្រភេទឈើនេះអាចត្រៀមខ្លួនសម្រាប់ដាក់ឱ្យប្រើប្រាស់នោះទេ ៕
កែសម្រួលដោយ ៖ សំណាង
ចែករំលែកព័តមាននេះ