អ្នកប្រាជ្ញសរសើរដល់បុគ្គលដែលចេះរៀបចំឫកពា ចរិយាសមរម្យ រួមទាំងសម្តីសំដៅពីរោះពិសា ទាំងទឹកចិត្តស្អាតបរិសុទ្ធ លោករាប់ថាជាមនុស្សល្អ ។ តើមនុស្សល្អមានលក្ខណៈប៉ុន្មានយ៉ាង0x017d7 ខាងក្រោមនេះជាបុគ្គលិកលក្ខណៈនៃមនុស្សល្អៈ
១-ជាអ្នកដែលបានធ្វើនូវប្រយោជន៍ដល់ខ្លួនឯងផង និងប្រយោជន៍អ្នកដទៃផង ។
២-ជាអ្នកឆ្លាតក្នុងការនិយាយស្តី គឺនិយាយចេញទៅមិនឲ្យទាស់ត្រចៀកនៃអ្នកស្ដាប់ និយាយឲ្យគេសប្បាយចិត្ត មានសេចក្ដីសុខនៅពេលដែលគេបានស្ដាប់ពាក្យសម្តីនោះ មិននិយាយលើកតម្កើងខ្លួនឯងដូចដងទង់ ហើយបន្តុះបង្អាប់អ្នកដទៃឱ្យគេអាប់យស ។
៣-ជាមនុស្សចេះអត់ធន់ចំពោះពាក្យសម្ដីអ្នកដទៃ គឺជាមនុស្សអប់រំចិត្តបានល្អហើយ ទោះជាគេនិយាយពាក្យអសុរោះ ពាក្យទ្រគោះបោះបោកក៏មិនក្តៅក្រហាយ មិនក្រោធ តបនៅតែជាចិត្តត្រជាក់ ចិត្តនឹងជាធម្មតា។
សាធុជនណាមានចំណុចទាំង៣នេះនៅក្នុងសន្តាន បុគ្គលនោះឈ្មោះថាជាមនុស្សល្អ ជាបុគ្គលគួរសរសើរ និងបានជាទីរាប់អាននៃអ្នកផងទាំងពួង ។
ចែករំលែកព័តមាននេះ