រាជធានីភ្នំពេញ ៖ ជនសង្ស័យម្នាក់ត្រូវបានម្ចាស់ម៉ូតូជាមន្ត្រីនគរបាលប៉ុស្តិ៍មិត្តភាព និងបងប្អូនប្រជាពលរដ្ឋជួយដេញចាប់តាំងពីខណ្ឌចំការមន រហូតដល់ខណ្ឌដូនពេញ បន្ទាប់ពីជនសង្ស័យរូបនោះបានធ្វើសកម្មភាពលួចម៉ូតូរបស់ជនរងគ្រោះចតទុកភ្លេចដកសោបានសម្រេច ហើយជិះរត់គេចខ្លួន ។ ហេតុការណ៍នេះដែរ បានកើតឡើង…
រាជធានីភ្នំពេញ ៖ ជនសង្ស័យម្នាក់ត្រូវបានម្ចាស់ម៉ូតូជាមន្ត្រីនគរបាលប៉ុស្តិ៍មិត្តភាព និងបងប្អូនប្រជាពលរដ្ឋជួយដេញចាប់តាំងពីខណ្ឌចំការមន រហូតដល់ខណ្ឌដូនពេញ បន្ទាប់ពីជនសង្ស័យរូបនោះបានធ្វើសកម្មភាពលួចម៉ូតូរបស់ជនរងគ្រោះចតទុកភ្លេចដកសោបានសម្រេច ហើយជិះរត់គេចខ្លួន ។ ហេតុការណ៍នេះដែរ បានកើតឡើង កាលពីវេលាម៉ោង១២និង៥៥នាទី រំលងអធ្រាត្រឈានចូលថ្ងៃទី២៩ ខែឧសភានេះ នៅចំនុចហាងលក់ស្រារអនឡាញ ក្រោយសាលាវ៉ាន់ដា ផ្លូវ១៨៧ សង្កាត់ទំនប់ទឹក ខណ្ឌចំការមន ហើយឃាត់ខ្លួនបាននៅចំនុចផ្លូវ១៣០ កែងនិងផ្លូវ១៩ សង្កាត់ផ្សារកណ្តាល២ ខណ្ឌដូនពេញ ។
ជនសង្ស័យមានឈ្មោះ លី ហេង ភេទប្រុស អាយុ៣២ឆ្នាំ ស្នាក់នៅសង្កាត់ផ្សារកណ្តាល១ ខណ្ឌដូនពេញ ដកហូតម៉ូតូម៉ាក ZOOMER X ពណ៌សលាយទឹកក្រូច ពាក់ស្លាកលេខ
រតនគីរី 1B- 6846 ជារបស់ជនរងគ្រោះ និងសម្ភារជាសម្បត្តិអាជ័យមួយ សាក់កាដូ ជារបស់ជនសង្ស័យ ។ ចំនែកជនរងគ្រោះមានឈ្មោះ ម៉ៃ ឬទ្ធីឃើ ភេទប្រុស អាយុ២៧ឆ្នាំ មុខរបរមន្ត្រីនគរបាលសង្កាត់មិត្តភាព ខណ្ឌ៧មករា ។
តាមសម្តីជនរងគ្រោះបានអោយដឹងថា មុនពេលកើតហេតុរូបគាត់បានជិះម៉ូតូរបស់គាត់គោលបំណងទៅឈប់ទិញក្តាមប្រៃនៅហាងខាងលើដោយភ្លេចដកសោម៉ូតូចេញ ។ ពេលគាត់ជាប់មាត់និយាយជាមួយបងប្អូននៅក្នុងហាងនោះបន្តិច ក៏ស្រាប់តែលេចមុខជនសង្ស័យខាងលើបានដើរដោយថ្មើជើងហើយមានស្ពាយសាក់កាដូមួយបានមកធ្វើសកម្មភាពឡើងជិះម៉ូតូចេញទៅតែម្តង ហើយភ្លាមៗនោះដែរពួកគាត់ក៏បានក្រឡេកឃើញ បាននាំគ្នារត់ចេញមកក្រៅស្រែកថា ចោរៗ ផ្អើលនាំគ្នាជិះម៉ូតូដេញតាមរហូតដល់ច្រកចូលឌឿងហែមផ្លូវ១៣០កែង និងផ្លូវ១៩ សង្កាត់ផ្សារកណ្តាល២ ខណ្ឌដូនពេញ ស្រាប់តែជនសង្ស័យជិះទៅបុកគ្រែ បណ្តាលអោយដួលក៏ត្រូវពួកគាត់ជាជនរងគ្រោះ និងបងប្អូនប្រជាពលរដ្ឋ នាំគ្នាស្វាគមន៍ម្នាក់មួយដៃមួយជើងសន្លប់ស្តូកស្តឹងតែម្តង។បន្តិចក្រោយមកឃើញកម្លាំងសមត្ថកិច្ច ប៉ុស្តិ៍នគរបាលទំនប់ទឹកចុះទៅឃាត់យកទៅសង្ស័យយកទៅធ្វើការសាកសួរនៅប៉ុស្តិ៍នគរបាលទំនប់ទឹកតែម្តង ។
ក្រោយពេលកើតហេតុជនរងគ្រោះបានដាក់ពាក្យបណ្តឹងអោយសមត្ថកិច្ចចាត់ការតាមផ្លូវច្បាប់ ចំនែកជនសង្ស័យបានសារភាពថា ពិតជាបានធ្វើសកម្មភាពលួចយកម៉ូតូរបស់ជនរងគ្រោះពិតប្រាកដមែន ហើយត្រូវបានសមត្ថកិច្ចកសាងសំណុំរឿងបញ្ជូនទៅអធិការដ្ឋានខណ្ឌចំការមន ដើម្បីចាត់ការបន្តតាមនីតិវិធី ៕ កែសម្រួលដោយ ៖ សុឃាក់
ចែករំលែកព័តមាននេះ