រាជធានីភ្នំពេញ ៖ តាមច្បាប់ថ្មីស្តីពីការវិនិយោគ និងច្បាប់ស្តីពីតំបន់សេដ្ឋកិច្ចដែលនឹង ចេញបញ្ចប់ខ្លឹមសារនៅចុងខែមិថុនាខាងមុខនេះ កម្ពុជាបានឱកាសឲ្យមានផលិតក្នុងស្រុកជំនួសការនាំចេញ ។ នេះបើតាមប្រមុខរាជរដ្ឋាភិបាលកម្ពុជា ។ សម្តេចបានលើកក្នុងសិក្ខាសាលាស្តីពីបរិយាកាសវិនិយោគនៅកម្ពុជា នៅថ្ងៃទី២៩ ខែឧសភានេះ នៅទីក្រុងតូត្យូប្រទេសជប៉ុនថា សេចក្តីព្រាងច្បាប់ស្តីពីការវិនិយោគ និងច្បាប់ស្តីពីតំបន់សេដ្ឋកិច្ចពិសេសនឹងត្រូវបញ្ចប់រួចរាល់នៅថ្ងៃចុងខែមិថុនា ឆ្នាំ២០១៩នេះ ។
ដោយច្បាប់ថ្មីទាំងពីរនេះមានគោលបំណងបង្កើតទំនើបកម្ម និងផលិតកម្មនៃឧស្សាហកម្មក្នុងស្រុក និងពង្រឹងការតភ្ជាប់ខ្សែសង្វាក់ផលិតកម្មក្នុងតំបន់ឲ្យមានលក្ខណៈប្រកួតប្រជែង និងគាំទ្រគោលនយោបាយសេដ្ឋកិច្ច និងសង្គម ។ សម្តេចបន្តថា ច្បាប់ថ្មីខាងលើនេះនឹងផ្តល់ការទុកចិត្តដល់អ្នកវិនិយោគលើសពីច្បាប់ចាស់ដូចជា ការគាំទ្រចំពោះការផលិតជំនួសការនាំចូល និងការចំណាយទៅលើសុខុមាលភាពរបស់កម្មករពីអ្នកវិនិយោគ ។
ជាមួយគ្នានោះដែសម្តេចបានលើកឡើងទៀតថា ដើម្បីដោះស្រាយបញ្ហាជូនអ្នកវិនិយោគទន់នៅកម្ពុជា ប្រទេសកម្ពុជា និងជប៉ុន ចុះកិច្ចព្រមព្រៀងស្តីពីសេរីភាវូនីយកម្ម ការជំរុញ និងការការពារអ្នកវិនិយោគដែលបានបង្កើតឲ្យមានយន្តការកិច្ចប្រជុំគណៈកម្មការចម្រុះកម្ពុជា-ជប៉ុន ដែលរហូតមកដល់ពេលនេះកិច្ចប្រជុំបានធ្វើឡើង១៦លើកមកហើយ ។ លោកក៏បានលើកឡើងថា កិច្ចប្រជុំគណៈកម្មការនេះ គឺកិច្ចប្រជុំទ្វេភាគីតំណាង រាជរដ្ឋាភិបាលកម្ពុជា និងវិស័យឯកជនតែមួយគត់ដែលធ្វើឡើងដោយមានការយកចិត្តទុកដាក់ពីសំណាក់រាជរដ្ឋាភិបាលកម្ពុជាមកលើកអ្នកវិនិយោគជប៉ុននៅកម្ពុជា ។
សម្តេចតេជោបញ្ជាក់ថា៖«ចំណុចនេះ ខ្ញុំសូមបញ្ជាក់ថា កម្ពុជាបានធ្វើវេទិការរវាងរាជដ្ឋាភិបាល និងផ្នែកឯកជនជារួមក៏ប៉ុន្តែរវាងរាជរដ្ឋាភិបាលជាមួយនឹងដៃគូជប៉ុន គឺជាវេទិការតែមួយគត់ ។ ខាងជប៉ុនបានបង្ហាញពីការយកចិត្តទុកដាក់ការពារអ្នកវិនិយោគរបស់ជប៉ុន ហើយកម្ពុជាក៏បានយកចិត្តទុកដាក់ចំពោះអ្នកវិនិយោគជប៉ុនផងដែរ ។ អីញ្ចឹងរដ្ឋាភិបាលនៃប្រទេសទាំងពីរយកចិត្តដូចគ្នា» ។ ក្នុងឱកាសនោះដែរសម្តេចតេជោ ក៏បានលើកឡើងថា ការបញ្ចុះថ្លៃសេវាលើកដាក់កុងតឺន័រនៅចំណត និងតម្រូវមិនឲ្យស្កេនកុងទ័ររបស់ក្រុមហ៊ុនដែលអនុឡោមមានភាពល្អ ។
សម្តេចថាកន្លង ទៅការស្កែនកុងតឺន័រ គឺជាការស្កែនមួយត្រូវបង់ថ្លៃ ប៉ុន្តែរឿងបង់ថ្លៃនេះជារឿងមួយតែរឿងកកស្ទះជារឿងសំខាន់ជាង ដូច្នេះខ្ញុំបានបញ្ឈប់ការស្កែនកុងទតឺន័រ តែយើងស្កែនតែអនុឡោមទៅតាមភាពចាំបាច់តែប៉ុណ្ណោះ ។ សម្តេចតេជោក៏បានលើកឡើងថា ការមិនចាំឲ្យស្កែននេះ ដោយសារនៅតាមក្រុមហ៊ុនបានគិតគូរភាពហានិយ័ត ដូច្នេះមិនចាំបាច់ចំណាយពេលវេលា និងប្រាក់ក្នុងការស្កែននោះទេ ។ សម្តេចបញ្ជាក់ថា៖«ចំណុចនេះក៏សម្រួលឲ្យអស់លោក! ដែលខ្ញុំសូមបញ្ជាក់ថា ភាពម៉ឺងម៉ាត់នៅចំណុចនេះនឹងត្រូវបានបន្តក្នុងដំណើរដែលធ្វើឲ្យអ្នករកស៊ីទាំងឡាយមានការជឿជាក់ និងទុកចិត្ត» ៕ កែសម្រួលដោយ ៖ សុឃាក់
ចែករំលែកព័តមាននេះ