ADផ្ទាំងផ្សព្វផ្សាយពាណិជ្ជកម្ម

កម្ពុជាកាត់បន្ថយថ្ងៃឈប់សម្រាកថ្ងៃបុណ្យនៃទិវាប្រចាំឆ្នាំដែលបន្ថយពី២៨ថ្ងៃមក២១ថ្ងៃវិញ

4 ឆ្នាំ មុន

ភ្នំពេញ
២៩ ខែ ឧសភា ឆ្នាំ ២០១៩ ម៉ោង ១៤:២២

រាជធានីភ្នំពេញ ៖ ក្រោយពីពិនិត្យឃើញថ្ងៃឈប់សម្រាកមានចំនួនច្រើនថ្ងៃ ខុសពីប្រទេសក្នុងតំបន់សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ចាប់ពីឆ្នាំ ក្រោយទៅថ្ងៃឈប់សម្រាកនៃទិវាបុណ្យដែលមានរយៈពេល២៨ថ្ងៃ ក្នុងមួយឆ្នាំនឹងត្រូវបន្ថយមកត្រឹម២១ថ្ងៃវិញ ។ ការកាត់បន្ថយចំនួនថ្ងៃឈប់សម្រាកនេះដែរ ត្រូវបានសម្តេចតេជោ ហ៊ុន សែន អះអាងថាក៏ធ្វើឲ្យមានការទាក់ទាញអ្នកវិនិយោគមកដាក់ទន់រកស៊ីនៅកម្ពុជាថែមទៀតផងដែរ ។

សម្តេចតេជោនាយករដ្ឋមន្ត្រីបានថ្លែងក្នុងសិក្ខាសាលាស្តីពីបរិយាកាសវិនិយោគនៅកម្ពុជា នាព្រឹកថ្ងៃទី២៩ ខែឧសភានេះ នៅប្រទេសជប៉ុនយ៉ាងដូច្នេះថា ការកាត់បន្ថយចំនួនថ្ងៃឈប់សម្រាកបុណ្យនៃទិវាប្រចាំឆ្នាំពី២៨ថ្ងៃ មកត្រឹម២១ថ្ងៃ ដែលដាក់មកអនុវត្តចាប់ពីឆ្នាំ២០២០តទៅ ។ សម្តេចបញ្ជាក់ថា«នេះក៏អ្នកវិនិយោគទាំងឡាយមានការចាប់អារម្មណ៍ ។ ប្រទេសកម្ពុជា គឺប្រទេសក្រីក្រ ក៏ប៉ុន្តែជាប្រទេសមានការឈប់សម្រាកច្រើនជាងគេនៅក្នុងតំបន់ ដូច្នេះខ្ញុំក៏បានសម្រេចគិតឡើងវិញ ហើយក៏សម្រេចកាត់បន្ថយពី២៨ថ្ងៃ មកត្រឹម២១ថ្ងៃវិញ» ។

សម្តេចក៏បានលើកឡើងទៀតថា ការកាត់ថយចំននួនថ្ងៃនេះឈប់សម្រាក់នេះក៏ធ្វើឲ្យចំនួនថ្ងៃនៃការធ្វើការមានអត្រាកំណើនកើតឡើង០.៥% ដែលជាផ្នែកមួយសំខាន់នៃកំណើនផ្នែកសេដ្ឋកិច្ចរបស់កម្ពុជា ។ ជាមួយគ្នានោះដែរសម្តេចក៏បានសម្តែងក្តីសង្ឃឹមថា កម្មករកម្មការិនីមន្ត្រីរាជការនឹងយោគយល់ចំពោះការសម្រេចនេះផងដែរ ៕ កែសម្រួលដោយ ៖ សុឃាក់