សៀមរាប ៖ ក្រុមហ៊ុន វីតាល់បរិច្ចាគថិវិកា ៨៦៥០ដុលា្លរ ដល់មន្ទីពេទ្យកុមារអង្គរខេត្តសៀមរាប បន្ទាប់ពីបានបិទបញ្ចប់កម្មវិធី «អ្នកជាវីរបុរស» ឬ “Be…
សៀមរាប ៖ ក្រុមហ៊ុន វីតាល់បរិច្ចាគថិវិកា ៨៦៥០ដុលា្លរ ដល់មន្ទីពេទ្យកុមារអង្គរខេត្តសៀមរាប បន្ទាប់ពីបានបិទបញ្ចប់កម្មវិធី «អ្នកជាវីរបុរស» ឬ “Be a Hero” ដែលបានធ្វើឡើងរយៈពេលពីខែចាប់ពីខែមIនាដល់ខែឧសភា ឆ្នាំ២០១៩។ ការបិរិច្ចាគថវិកាពីវីតាល់បានធ្វើឡើងនៅថ្ងៃទី២៧ ឧសភា ឆ្នាំ២០១៩ នៅមន្ទីពេទ្យកុមារអង្គរខេត្តសៀមរាបផ្ទាល់តែម្តង ក្រោមការចូលរួមពលោកនាយកមន្ទីរពេទ្យ និងអគ្គនាយិកានៃក្រុមហ៊ុនវីតាល់។
លោកជំទាវ ជឹង សុគន្ធាវី អគ្គនាយិការក្រុមហ៊ុន អិនវីស៊ី ខបភើរេសិនវីតាល់ មានប្រសាសន៍ថា ផ្អែកលើមូលនិធិ២៥៛ វីតាល់បានបង្កើតកម្មវិធីសប្បុរសធម៌បែបទំនើបនៅដើមខែមីនា ដែលអនុញ្ញាតឲ្យសាធារណជនអាចចូលរួមបរិច្ចាគថវិកា ជួយកុមារឈឺ និងក្រីក្រកម្ពុជាដោយគ្រាន់តែជាវទឹកវីតាល់ តាមបណ្តាទូម៉ាស៊ីនស្វ័យប្រវត្តិទាំង១៨ទូ នៅតាមផ្សារទំនើបក្នុងរាជធានីភ្នំពេញ។ ជាលទ្ធផលយើងប្រមូលបានថវិកាប្រមាណ២០០០ដុល្លារ ហើយវីតាល់ក៏បានបរិចា្ចគបន្ថែម សម្រេចបានទឹកប្រាក់សរុបចំនួន ៨៦៥០ដុល្លារជូនដល់មន្ទីរពេទ្យកុមារអង្គរដូចតាមការសន្យា។
លោកជំទាវក៏បានថ្លែងអំណរគុណដល់អតិថិជនវីតាល់ ដែលបានចូលរួមគាំទ្រកម្មវិធីមួយនេះ ក៏ដូចជាដៃគូសហការក្រុមហ៊ុនម៉ាស៊ីនលក់ភេសជ្ជៈស្វ័យប្រវត្តិ និងក្រុមការងារ មន្ទីរពេទ្យកុមារអង្គរដែលចូលរួមគាំទ្រគម្រោងមួយនេះបានយ៉ាងប្រសើរ។
លោកវេជ្ជបណ្ឌិត ងួន ចន្ទភ័ក្ត្រា នាយកមន្ទីរពេទ្យកុមារអង្គរ បានសម្តែងក្តីសប្បាយរីករាយ ដោយមោទភាពចំពោះការសហការជាមួយវីតាល់សម្រាប់គម្រោងកម្មវិធី «អ្នកជាវីរបុរស»។ លោកថា កម្មវិធីនេះមិនត្រឹមតែជួយផ្សព្វផ្សាយ អំពីមន្ទីរពេទ្យកុមារអង្គរដល់ប្រជាពលរដ្ឋនៅភ្នំពេញប៉ុណ្ណោះទេ ថែមទាំងបានផ្តល់ឱកាសដល់សារធាណជនចូលរូមក្នុងការបរិច្ចាគចូលក្នុងមូលនិធិមន្ទីរពេទ្យកុមារអង្គរថែមទៀតផង។
លោកវេជ្ជបណ្ឌិតក៏បានស្ងើចសរសើរដល់ក្រុមហ៊ុនវីតាល់ ដែលជាក្រុមហ៊ុនក្នុងស្រុកគម្រូយកចិត្តទុកដាក់ចំពោះសកម្មភាពមនុស្សធម៌ ហើយចំពោះថិវកាដែលបានបរិច្ចាគលើកនេះ មន្ទីពេទ្យកុមារអង្គរនឹងប្រើប្រាស់ឲ្យមានប្រសទ្ធិភាពបំផុតសម្រាប់កុមារកម្ពុជា។
គួររំលឹកផងដែរថា កម្មវិធី «អ្នកជាវីរបុរស» ឬ “Be a HERO” គឹជាគម្រោងកម្មវិធីសប្បុរសធម៌របស់វីតាល់ ដែលបរិច្ចាគ១០០% ដល់មន្ទីរពេទ្យកុមារអង្គរ រាល់ការលក់ទឹកវីតាល់ពីទូរស្វ័យប្រវត្តិទាំង១៨ទូទូទាំងរាជធានី ធ្វើឡើងរយៈពេលពីរខែពេញចាប់ផ្តើមពីដើមខែមីនា ដល់ដើមខែឧសភា ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ