រាជធានីភ្នំពេញ ៖ ស្វាយប៉ាកដែលជាអតីតតំបន់បនស្រីដ៏ល្បីឈ្មោះពេលនេះបានក្លាយទៅជាសម្បុកហ្គេមបាញ់ត្រី ដែលជាប្រភេទល្បែងស៊ីសងរៀបស៊ីពុំត្រូវបានអាជ្ញាធរ ឬសមត្ថកិច្ច ខណ្ឌឬស្សីកែវចុះបង្ក្រាបឡើយបង្កអោយមានការក្តៅក្រហាយពីប្រជាពលរដ្ឋដែលមានកូន ចៅវក់នឹងល្បែងស៊ីសងនោះ ។
ទីតាំងហ្គេមបាញ់ត្រីដែលគ្មានអ្នកបង្ក្រាបត្រូវបានប្រជាពលរដ្ឋរាយការណ៍ថា ស្ថិតនៅក្នុង តំបន់មិនរៀបរយ ក្នុងភូមិលូ សង្កាត់ស្វាយខណ្ឌ ឬស្សីកែវ ដែលជាអតីតតំបន់បនស្រី ដែល មានឈ្មោះល្បីកាលពីកំឡុងឆ្នាំ១៩៩៥ ទៅឆ្នាំ២០០០ តែពេលនោះតំបន់នោះលែងមានបនស្រីហើយ តែជាវាសម្បុកល្បែងស៊ីសងហ្គេមបាញ់ត្រីទៅវិញ ។
តាមប្រជាពរដ្ឋបានអោយដឹងថា ម្ចាស់ហ្គេមបាញ់ត្រីឈ្មោះ ប៊ីន ដែលបានបើកដំណើរការជាយូរមកហើយ ដោយពុំមានអាជ្ញាធរមូលដ្ឋាន និងសមត្ថកិច្ចចុះបង្ក្រាបឡើយ ដែលគេសង្ស័យ ថា ត្រូវរ៉ូវគ្នា ឬបានលាភពីល្បែងទាំងនោះ ។
តាមព័ត៌មានអោយដឹងថា នៅក្នុងភូមិលូ មានទីទាំងហ្គេមបាញ់ត្រី ប្រមាណ៥កន្លែងនៅជាប់គ្នាដែលមានយីហោ៣៤ តែពេលនេះបានលុបចេញ ។ ក្រៅពីទីតាំងហ្គេមបាញ់ត្រីទាំងនោះនៅមានទីតាំងហ្គេមបាញ់ត្រី នៅក្នុងតំបន់និគមន៍ជនជាតិវៀតណាម ភូមិស្វាយប៉ាក ក្រោមដើមពោធិ៍ ក្បែរស្ថានីយបូមទឹកគីឡូម៉ែត្រលេខ៩ ដែលមានម្ចាស់តែមួយ កំពុងតែដំណើរការដោយពុំក្លាយសមត្ថកិច្ចឡើយ ។
តាមប្រជាពលរដ្ឋបានអោយបង្ហើបអោយដឹងថា ទីតាំងហ្គេមទាំងនោះត្រូវបានម្ចាស់ដើរអួតប្រាប់អ្នកញៀនល្បែងថា នាំគ្នាមកលេងហ្គេមបាញ់ត្រីរបស់ខ្លួន គ្មាននណារមកចាប់ទេ ព្រោះខ្លួនបានរត់ការបង់ខែអោយសមត្ថកិច្ច និងអាជ្ញាធរអស់ហើយ ។ ប្រជាពលរដ្ឋក៏បានសំណូមពរដល់អាជ្ញាធរក៏ដូចជា សមត្ថកិច្ចខណ្ឌឬស្សីកែវ ចុះបង្ក្រាបផង ឬមួយបានផលប្រយោជន៍ពីទីតាំងហ្គេមបាញ់ត្រីទាំងនោះដូចការចោទប្រកាន់មែន ? បានជាមិនបង្ក្រាប ។
ទន្ទឹមនោះលោកវរៈសេនីយ ឯក គល់យី អធិការនគរបាលខណ្ឌឬស្សីកែវក៏បានបញ្ជាក់ថា លោកនឹងធ្វើស្រាវជ្រាវ ហើយចុះបង្ក្រាបមិនទុកអោយមានល្បែងស៊ីសងនៅក្នុងមូលដ្ឋាននោះទេ ៕ កែសម្រួលដោយ ៖ សុឃាក់
ចែករំលែកព័តមាននេះ