ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា រោងសិប្បកម្មផលិតនំបញ្ចុកមួយកន្លែង ត្រូវព្រះអគ្គិ ភ័យលេបត្របាក់ឆេះអស់គ្មានសល់ កើតឡើងកាលពីវេលាម៉ោង៥ល្ងាចថ្ងៃទី២៧ ឧសភា ត្រង់ចំណុចក្បែរស្ពាន ស្ថិតក្នុងភូមិមេប៉ៃ…
ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា រោងសិប្បកម្មផលិតនំបញ្ចុកមួយកន្លែង ត្រូវព្រះអគ្គិ ភ័យលេបត្របាក់ឆេះអស់គ្មានសល់ កើតឡើងកាលពីវេលាម៉ោង៥ល្ងាចថ្ងៃទី២៧ ឧសភា ត្រង់ចំណុចក្បែរស្ពាន ស្ថិតក្នុងភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី ។
សេចក្តីរាយការណ៍បន្តថា ទីតាំងឆេះខាងលើ គឺមានម្ចាស់២គ្រួសាររងគ្រោះ ១-ឈ្មោះ ម៉ៅសុខជា ភេទប្រុស អាយុ៣១ឆ្នាំ មានស្រុកកំណើតនៅភូមិទីពីរ ឃុំកំពង់ទ្រាស ស្រុកក្រូចឆ្មា ខេត្តកំពង់ចាម និង២-ឈ្មោះ ដេន ស៊ីនួន ភេទប្រុស អាយុ៣០ឆ្នាំ ស្រុកកំណើតនៅភូមិក្បាលអូរ ឃុំគ ស្រុកត្បូងឃ្មុំ ខេត្តត្បូងឃ្មុំ ដែលទាំង២នាក់គ្រួសារ ប្រកបរបរធ្វើនំបញ្ចុក ។
ប្រភពបន្តថា ចំពោះសម្ភារៈដែលខូចខាត មានដូចអង្ករ១២បេ ស្មើនឹង៦០០kg ម៉ាស៊ីន២គ្រឿង ត្បាល់វៃម្សៅ នំបញ្ចុក២គ្រឿង ម្សៅធ្វើនំបញ្ចុក៣០ដុំ ស៊ីទែនទឹក១ (ចំណុះ១៥០០លីត្រ) លុយខ្មែរ៧ចំនួន៤.២០០០០០រៀល អាគុយ ។ល។
សមត្ថកិច្ចទៀតថា ទីតាំងធ្វើនំបញ្ចុកឆេះនេះ មានទំហំទទឹង៨ម៉ែត្រ បណ្តោយ១០ម៉ែត្រ ហើយចំពោះមូលហេតុ គឺដោយសារភ្លើងចង្ក្រានធ្វើនំបញ្ចុកនោះ ។ ទោះជាយ៉ាងណា មិនមានមនុស្សត្រូវរងគ្រោះថ្នាក់នោះទេ ។ (សម្រួលដោយ៖ ស្រីណា)
ចែករំលែកព័តមាននេះ