ខេត្តឧត្តរមានជ័យ ៖ ស្ត្រីម្នាក់ដេកស្លាប់នៅក្នុងថ្លុកឈាមយ៉ាងអាណោចអាធ័មចោលកូនប្រុសជាទីស្រឡាញ់ ខណៈកើតមានជម្លោះគ្នា រហូតដល់ប្តីដាច់ចិត្តទាញកាំបិតខ្វែវដងវែងកាប់ជាច្រើនកាំបិត បណ្តាលឱ្យស្លាប់កាលពីម៉ោងប្រមាណ១និង៣០នាទីរសៀល ថ្ងៃទី២៧ ខែឧសភា ឆ្នាំ២០១៩ ស្ថិតក្នុងភូមិស្រែក្រសាំង…
ខេត្តឧត្តរមានជ័យ ៖ ស្ត្រីម្នាក់ដេកស្លាប់នៅក្នុងថ្លុកឈាមយ៉ាងអាណោចអាធ័មចោលកូនប្រុសជាទីស្រឡាញ់ ខណៈកើតមានជម្លោះគ្នា រហូតដល់ប្តីដាច់ចិត្តទាញកាំបិតខ្វែវដងវែងកាប់ជាច្រើនកាំបិត បណ្តាលឱ្យស្លាប់កាលពីម៉ោងប្រមាណ១និង៣០នាទីរសៀល ថ្ងៃទី២៧ ខែឧសភា ឆ្នាំ២០១៩ ស្ថិតក្នុងភូមិស្រែក្រសាំង ឃុំត្រពាំង ប្រាសាទ ស្រុកត្រពាំងប្រាសាទ ។
ស្ត្រីរងគ្រោះឈ្មោះម៉ាប់ ស្រីមុំ អាយុ២៥ឆ្នាំ ជាកសិករ មានកូនប្រុសម្នាក់ទើបអាយុ៤ឆ្នាំ ចំណែកបុរសជាប្តីឈ្មោះ អង រ័ត្ន អាយុ២៧ឆ្នាំ ជាកសិករ មកស្នាក់នៅក្នុងភូមិ-ឃុំកើតហេតុខាងលើជាមួយប្រពន្ធ មានស្រុកកំណើតភូមិដំណាក់ថ្មី ឃុំតាគង់ ស្រុកម៉ាឡៃ ខេត្តបន្ទាយមានជ័យ ក្រោយពីធ្វើសកម្មភាពរួចត្រូវប្រជាពលរដ្ឋហ៊ុមព័ទ្ធចាប់ខ្លួនភ្លាមៗតែម្តង។
បើតាមប៉ូលិសអធិការស្រុកត្រពាំងប្រាសាទ ឱ្យដឹងថា ក្រោយពីទទួលព័ត៌មានភ្លាម កម្លាំងជំនាញចុះទៅកន្លែងកើតហេតុពិនិត្យសពស្ត្រីរងគ្រោះឃើញមានស្នាមកាប់ត្រូវ៤កន្លែង បណ្តាលឲ្យស្លាប់ភ្លាមៗនៅនឹងកន្លែងកើតហេតុ។ ទោះជាបែបណា ជនសង្ស័យបាននាំខ្លួនយកមកអធិការស្រុកធ្វើការសាកសួរ ហើយជននេះសារភាពថា ខ្លួនគេបានប្រើសារធាតុញៀនផងដែរ ទើបហ៊ានកាប់សម្លាប់ប្រពន្ធបែបនេះ។
ក្រោយមកសមត្ថកិច្ចកសាងសំណុំរឿងបញ្ជូនជនសង្ស័យទៅតុលាការអមសាលាដំបូងខេត្ត ចាត់ការតាមច្បាប់ រីឯសពស្ត្រីរងគ្រោះសមត្ថកិច្ចប្រគល់ទៅឱ្យសាច់ញ្ញាតិយកទៅធ្វើបុណ្យទៅតាមប្រពៃណី៕ (កែសម្រួលដោយ ៖ បុប្ផា)
ចែករំលែកព័តមាននេះ