ប្រទេសប្រេស៊ីល ៖ រដ្ឋបាលពន្ធនាគារមូលដ្ឋានមួយរាយការណ៍ថា អ្នកទោស១៥នាក់បានត្រូវស្លាប់កាលពីថ្ងៃទី២៦ឧសភា ពេលមានការប៉ះទង្គិចគ្នាក្នុងពន្ធនាគារមួយ នៃរដ្ឋអាម៉ាហ្សូណាស់នាភាគខាងជើងប្រេស៊ីល។ ការប៉ះទង្គិចគ្នានោះកើតមាននាព្រឹកថ្ងៃទី២៦ឧសភា ក្នុងឱកាសនៃទស្សនកិច្ចជាច្រើនម៉ោង ក្នុងអគារ២នៃពន្ធនាគារANISIO JOBIM…
ប្រទេសប្រេស៊ីល ៖ រដ្ឋបាលពន្ធនាគារមូលដ្ឋានមួយរាយការណ៍ថា អ្នកទោស១៥នាក់បានត្រូវស្លាប់កាលពីថ្ងៃទី២៦ឧសភា ពេលមានការប៉ះទង្គិចគ្នាក្នុងពន្ធនាគារមួយ នៃរដ្ឋអាម៉ាហ្សូណាស់នាភាគខាងជើងប្រេស៊ីល។
ការប៉ះទង្គិចគ្នានោះកើតមាននាព្រឹកថ្ងៃទី២៦ឧសភា ក្នុងឱកាសនៃទស្សនកិច្ចជាច្រើនម៉ោង ក្នុងអគារ២នៃពន្ធនាគារANISIO JOBIM ស្ថិតនៅចម្ងាយ២៨គីឡូម៉ែត្រពីទីក្រុងម៉ាណាអូស រដ្ឋធានីនៃរដ្ឋអាម៉ាហ្សូណាស់។ ពន្ធនាគារនោះធ្លាប់ជាកន្លែងនៃការបះបោរមួយរបស់ពួកអ្នកទោស កាលពីខែមករាឆ្នាំ២០១៧ ដែលបណ្ដាលឲ្យមនុស្សស្លាប់៥៦នាក់ ហើយមានរយៈពេលដល់ទៅ២០ម៉ោងទើបអាចត្រួតត្រាបាន។
ប្រភពដដែលនោះបន្តថា ការប្រទូស្តរ៉ាយគ្នាកើតមានរវាងពួកអ្នកទោស។ អ្នកស្លាប់មួយចំនួនបណ្ដាលមកពីការរិតករគ្នា ហើយខ្លះទៀតស្លាប់ដោយការយករបស់ស្រួចៗចាក់គ្នា ដូចជាច្រាស់ដុះធ្មេញដែលកាច់ជាដើម៕ (កែសម្រួលដោយ ៖ បុប្ផា)
ចែករំលែកព័តមាននេះ