បើទោះណាល្ហុងមិនមែនជាផ្លែឈើដែលមានការនិយមចូលចិត្តឬមានចំណាត់ថ្នាក់ក្នុងចំណោមផ្លែឈើដែលអ្នកចូលចិត្តទទួលទានក្តី ប៉ុន្តែវាជាកាដូពីធម្មជាតិមួយផ្តល់ឱ្យរាងកាយរបស់អ្នកនូវអត្ថប្រយោជន៍គួរឱ្យកត់សម្គាល់ ។ ក្រៅពីមានរសជាតិផ្អែមល្មម កាលណាទទួលទានជាប្រចាំ ល្ហុងផ្តល់អត្ថប្រយោជន៍ដូចតទៅ៖
បើទោះណាល្ហុងមិនមែនជាផ្លែឈើដែលមានការនិយមចូលចិត្តឬមានចំណាត់ថ្នាក់ក្នុងចំណោមផ្លែឈើដែលអ្នកចូលចិត្តទទួលទានក្តី ប៉ុន្តែវាជាកាដូពីធម្មជាតិមួយផ្តល់ឱ្យរាងកាយរបស់អ្នកនូវអត្ថប្រយោជន៍គួរឱ្យកត់សម្គាល់ ។ ក្រៅពីមានរសជាតិផ្អែមល្មម កាលណាទទួលទានជាប្រចាំ ល្ហុងផ្តល់អត្ថប្រយោជន៍ដូចតទៅ៖
១- ជួយផ្នែករំលាយអាហារ៖ ជំងឺក្រពះជាបញ្ហាសាមញ្ញមួយ ប៉ុន្តែមិនមែនដោយការទទួលទានល្ហុងជាប្រចាំនោះទេ ។ ល្ហុងត្រូវគេរកឃើញថា សម្បូរដោយអង់ហ្ស៊ីមបំបែកប្រូតេអុីន ឈ្មោះ Papain ។ ក្រៅពីមានប្រសិទ្ធភាពសម្រាប់អ្នកជំងឺ Cystic fibrosis អង់ហ្ស៊ីម Papain អាចជួយសម្រួលដល់ការទល់លាមកនិងរក្សាក្រពះឱ្យស្រាល ។
២- ជួយពន្យារភាពចាស់ទៅតាមអាយុ ៖ ប្រសិនជាទទួលទានរាល់ថ្ងៃ ផ្លែល្ហុងទុំអាចរក្សានូវថាមពលរបស់រាងកាយ ។ វាជួយកាត់បន្ថយសញ្ញាចាស់ទៅតាមអាយុហើយធ្វើឱ្យអ្នកមានអារម្មណ៍ថាកាន់តែមានរាងសមសួន ។
៣- ជួយបង្កើនកម្លាំងភេទបុរស ៖ ល្ហុងមានផ្ទុកអង់ហ្ស៊ីមមួយប្រភេទទៀតឈ្មោះ Arginineដែលអាចជួយជំរុញលំហូរឈាមទៅកាន់ប្រដាប់ភេទបុរសបានគ្រប់គ្រាន់ ។ ដូច្នេះសូមកុំខកខានទទួលទានផ្លែល្ហុងដ្បិតវានឹងជួយឱ្យអ្នកសកម្មក្នុងល្បែងមួយនេះ ។
៤- ផ្ទុកដោយសមាសធាតុប្រឆាំងអុកស៊ីដកម្ម ៖ ល្ហុងទុំមានសមាសធាតុប្រឆាំងអុកស៊ីដកម្មយ៉ាងច្រើន ។ វត្តមានរបស់បេតាការ៉ូតែននិងវីតាមីនសំខាន់ដូចជា វីតាមីន CនិងE ត្រូវគេដឹងថាដើរតួនាទីយ៉ាងសំខាន់ក្នុងការទប់ស្កាត់ការលូតលាស់របស់កោសិកាមហារីកគ្រប់ប្រភេទ ។
៥- ទប់ទល់នឹងការរលាក (Inflammation )៖ ការរលាកអាចបង្កជាបញ្ហារបួសដំបៅធ្ងន់ធ្ងរដល់រាងកាយមនុស្ស ប៉ុន្តែការដាក់បញ្ចូលល្ហុងទុំជាផ្នែកមួយនៃរបបអាហារ ការរលាកនោះមិនមែនជាបញ្ហាត្រូវព្រួយបារម្ភទៀត ឡើយ ។ ប្រូតេអុីនដ៏សកម្មគឺអង់ហ្ស៊ីមរំលាយអាហារ Chymopapain និង Papainជួយកាត់បន្ថយការរលាកដោយភ្លើង ការឈឺគន្លាក់ឆ្អឹងនិងការរលាកតាមសន្លាក់ក្នុងពេលជំងឺទាំងនេះកំពុងវិវឌ្ឍទៅរកភាពធូរស្បើយ ។
៦- សម្អាតស្បែក ៖ គេអាចកិនវាយកតែទឹកចំណុះជិតកន្លះលីត្រលាយជាមួយរុក្ខជាតិដែលមានក្លិនក្រអូបប្រើជាគ្រឿងសម្ល( Herbs)ហើយព្យាបាលស្បែករបស់អ្នកឱ្យមើលទៅស្អាតចម្លែកតែក្នុងរយៈពេល២-៣នាទីប៉ុណ្ណោះ ។
៧- ជួយឱ្យបេះដូងមានសុខភាពល្អ ៖ ល្ហុងជួយប្រឆាំងនឹងវត្តមានខ្លាញ់កូឡេស្តេរ៉ូលក្នុងឈាមទប់ស្កាត់ការកកស្ទះសរសៃឈាម ។ ក្រៅពីនេះ សារធាតុសរសៃដ៏សម្បូរបែបរបស់ផ្លែល្ហុងជួយបំបែកសារធាតុពុល Homocysteine កាត់បន្ថយបានឱកាសដាច់សរសៃឈាមបេះដូង ៕
ចែករំលែកព័តមាននេះ