ហាណូយ ៖ យោងតាមរបាយការណ៍មួយដែលត្រូវបានចេញផ្សាយដោយក្រុមហ៊ុនពិគ្រោះយោបល់ផ្នែកសវនកម្មនិងពាណិជ្ជកម្ម Grant Thornton បានឱ្យដឹងថា ប្រទេសវៀតណាមគឺជាប្រទេសមួយក្នុងចំណោមបណ្តាប្រទេសអាស៊ានកំពូលៗ ដែលទាក់ទាញការវិនិយោគទុនឯកជន។
របាយការណ៍នេះបានកត់សម្គាល់ថា វៀតណាមបានមើលឃើញពីប្រតិបត្តិការចំនួន 38 នៅឆ្នាំ២០១៨ ដោយមានតម្លៃសរុបជាង ១.៦ពាន់លានដុល្លារ បន្ទាប់ពីប្រទេសសិង្ហបុរីនិងឥណ្ឌូណេស៊ី។ តួលេខបានបង្ហាញពីការកើនឡើងចំនួន ៤១% នៃចំនួនប្រតិបត្តិការ និងការកើនឡើងនេះជិតបីដងបើប្រៀបធៀបទៅនឹងឆ្នាំ២០១៧។
គួរកត់សម្គាល់ថាការវិនិយោគនៅក្នុងក្រុមហ៊ុនបង្កើតថ្មីៗ មានចំនួន ៧១%នៃចំនួនប្រតិបត្តិការទាំងអស់ ដែលកើនឡើង ៥៦% បើប្រៀបធៀបនឹងឆ្នាំ២០១៧ ។ បច្ចេកវិទ្យានៅតែមានសន្ទុះខ្លាំង ដែលមាន ៤០% នៃកិច្ចព្រមព្រៀងសរុប។
របាយការណ៍នេះបានលើកឡើងពីលទ្ធផលនៃការស្ទង់មតិរបស់ក្រុមហ៊ុន ដែលបង្ហាញពីវិស័យវិនិយោគទុនឯកជនចំនួន៦ ដែលមានភាពទាក់ទាញបំផុតនៅក្នុងប្រទេសវៀតណាមក្នុងរយៈពេល១២ខែខាងមុខ ដើម្បីក្លាយជាផ្នែកហិរញ្ញវត្ថុ ការអប់រំ ថាមពលបៃតង និង ថាមពលកកើតឡើងវិញ ការថែទាំសុខភាពនិងឱសថ ពាណិជ្ជកម្ម អេឡិចត្រូនិច និង ការដឹកជញ្ជូននិងភ័ស្តុភារ។
ទោះបីជាមានការទាក់ទាញពីទីផ្សារក៏ដោយការស្ទង់មតិ Grant Thornton បានបង្ហាញថា ការកំណត់តម្លៃខ្ពស់និងការខ្វះខាតឱកាសនៃការលក់ដ៏គួរឱ្យទាក់ទាញ នៅតែជាបញ្ហាប្រឈមធំបំផុត សម្រាប់កំណត់អត្តសញ្ញាណគោលដៅដល់ក្រុមហ៊ុនជាច្រើន ដែលកំពុងចង់មកវៀតណាម៕ (កែសម្រួលដោយ? )
ចែករំលែកព័តមាននេះ