ណូម័រ បានរៀបការដូចបំណង ផ្តាំដល់ស្ត្រីអាយុ៣០ឆ្នាំកុំអស់សង្ឃឹម!
- ភ្នំពេញ
រាជធានីភ្នំពេញ ៖ កាលពីថ្មីៗនេះ វីជេ សុភា និងគូស្នេហ៍ស្រីស្អាត អន រ៉ាស៊ីសុមេត្តា ហៅ ណូម័រ…
រាជធានីភ្នំពេញ ៖ កាលពីថ្មីៗនេះ វីជេ សុភា និងគូស្នេហ៍ស្រីស្អាត អន រ៉ាស៊ីសុមេត្តា ហៅ ណូម័រ…
រាជធានីភ្នំពេញ ៖ កាលពីថ្មីៗនេះ វីជេ សុភា និងគូស្នេហ៍ស្រីស្អាត អន រ៉ាស៊ីសុមេត្តា ហៅ ណូម័រ បានធ្វើឲ្យប្រិយមិត្តភ្ញាក់ផ្អើលជាខ្លាំងម្តងរួចមកហើយ ដោយអ្នកទាំងពីរបានដឹកដៃគ្នាផ្តិតមេដៃចុះអេតាស៊ីវិលស្ងាត់ៗ។ ក្រោយពីមានទំនាក់ទំនងស្នេហាជាច្រើនឆ្នាំរវាងអ្នកដឹកនាំ និងផលិតកម្មវិធីប្រចាំប៉ុស្តិ៍ទូរទស្សន៍ CTN និង MYTV ជាមួយពិធីការិនីស្រីរូបស្រស់ ណូម័រ គេសង្កេតឃើញថា មួយគូនេះតែងបណ្តើរគ្នាទៅណាមកណាត្រសងដូចជាលលកញីឈ្មោល។
«ទីបំផុតនារីដែលមានវ័យ30ឆ្នាំ ត្រូវបានសារមន្ទីរដោះលែងវិញហើយ» នេះគឺជាប្រយោគបែបកំប្លែងមួយរបស់តារាស្រី អន រ៉ាស៊ី សុមេត្តា ហៅណូម័រ សំដៅដល់ខ្លួននាងដែលមានវ័យជ្រេបន្តិចទៅហើយ បានរកឃើញគូគាប់ទ្រនាប់ចិត្តត្រៀមចូលរោងការចុងខែនេះហើយ។
យោងលើហេតុផលខាងលើ ពិធីការិនី និងជាតារាសម្ដែង ណូម័រ បានលើកទឹកចិត្តដល់មិត្តនារីផ្សេងទៀត ដែលមិនទាន់ដល់គូ កុំទាន់អស់សង្ឃឹម។ ។ អុីចឹងបងប្អូនដែលអត់លិឍ គ្នាយើងកុំភ័យបារម្ភណា តាំងចិត្តឱ្យស្ងប់! មិនប្រាកដថា ចូលសារមន្ទីរហើយ ចេញវិញមិនបាននោះទេ ហិហិ…ឈប់ខ្លាចសារមន្ទីរទៀតទៅ អាយុគ្រាន់ជាតួលេខប៉ុណ្ណោះ»។
វីជេ សុភា និងណូម័រ ចូលរោងការនៅថ្ងៃទី២៨ ខែឧសភា ឆ្នាំ២០១៩ នេះ។ ដោយធ្វើឡើងនៅទីតាំងមជ្ឈមណ្ឌល Capital Wedding Hall សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ហើយហៅភ្ញៀវចំនួន៧០តុ ខណៈភាគច្រើនជាអ្នកសិល្បៈរួមអាជីព៕ (កែសម្រួលដោយ ៖ បុប្ផា)
ចែករំលែកព័តមាននេះ