មានក្រុមហ៊ុនមួយឈ្មោះក្រុមហ៊ុនឃុន សៀ អុឹមផត អិចផត…ជាក្រុមហ៊ុនរបស់ឧកញ៉ាឃុន សៀ…បើតាម ស.ជ.ណ.ដប របស់ទីស្តីការគណៈរដ្ឋមន្ត្រី…បានអនុញ្ញាតិឱ្យក្រុមហ៊ុនឃុន សៀ ធ្វើអនុបយោគជាដីឯកជនរបស់រដ្ឋទំហំប្រមាណ៧០ហិកតា…ស្ថិតនៅភូមិអរិយក្សត្រ និងភូមិខ្សាច់ ឃុំអរិយក្សត្រ ស្រុកល្វាឯម ខេត្តកណ្តាល…ដោយប្រគល់ភារកិច្ចឱ្យខេត្តកណ្តាលជាម្ចាស់អាណាចក្រដែនដីចាត់ការ ។
លិខិតជាផ្លូវការបញ្ជាក់ទៀតថា អនុញ្ញាតិឱ្យខេត្តកណ្តាលចុះកិច្ចសន្យាសិទ្ធិជួលអចិន្រៃ្តយ៍…ជាមួយ្រុមហ៊ុនឃុន សៀ រយៈពេល៥០ឆ្នាំ…និងអាចបន្តជាថ្មីបានបន្ទាប់ពីក្រុមហ៊ុនធ្វើការដោះស្រាយជាមួយ្រជាពលរដ្ឋទាំងអស់…ដែលកំពុងអាស្រ័យផលផ្សេងៗនៅលើដីនេះ ។
ស.ជ.ណ មានខ្លឹមសារខាងលើនេះបញ្ជាក់យ៉ាងច្បាស់ថា…រាជរដ្ឋាភិបាលយល់ព្រមឱ្យក្រុមហ៊ុនឃុន សៀ…ធ្វើការអភិវឌ្ឍក្នុងតំបន់ជាយរាជធានីនេះយ៉ាងពិតប្រាកដ…។
តាមទស្សនៈនានាថា…មហាជនសូមអបអរសាទរ…ព្រោះសម័យនេះតំបន់អភិវឌ្ឍទៅដល់ទីណា…ទីនោះម្ចាស់ដីដែលធ្លាប់ក្រល្ហេមល្ហាមនឹងក្លាយជាអ្នកមានធូរធា…លក់ដីដែលត្រូវប៉ាន់ទៅទិញដីកន្លែងផ្សេងតម្លៃថោក…មានប្រាក់សង់ផ្ទះថ្មីរស់នៅអណ្តែតមានមុខមាត់ជាងមុន ។
ប៉ុន្តែ ក៏មានដំណឹងថា…មានមេខ្យល់ប៉ុន្មាននាក់ហើយ…កំពុងបំភ័យម្ចាស់ដីឱ្យលក់តម្លៃថោកៗ…ព្រមលក់ក៏លក់ទៅ…បើមិនលក់ទេ ក៏ឈូសយកដែរ ព្រោះរាជរដ្ឋាភិបាលប្រគល់ឱ្យហើយ…៧០ហិកតានៅទីនេះ…ម៉េចព្រមទេ ? គិតឱ្យឆាប់…កុំឱ្យស្តាយក្រោយ…នេះប្លង់ដីដែលរដ្ឋប្រគល់ឱ្យក្រុមហ៊ុន ។
ក្រុមអ្នកសង្កេតការណ៍និយាយថា…សង្ស័យណាស់ សង្ស័យទៀតហើយ…សង្ស័យអភិវឌ្ឍដល់ណា ទឹកភ្នែកម្ចាស់ដីហៀហូរនៅទីនោះ… ប៉ុន្តែចាំមើលទៀត តើទីនោះមាន ទឹកភ្នែកហូរច្រើនដែរអត់ ? ប្រសិន មានមែន…ប្រាកដជាអយុតិ្តធម៌ហើយ…េហ ! េហ !
ចែករំលែកព័តមាននេះ