កាហ្វេច្រើនតែមានជាតិកាហ្វេអុីន ហើយវាក៏ត្រូវបានគេប្រើប្រាស់ជាសារធាតុជំរុញដល់ចំណង់ចំណូលចិត្តរបស់ភេសជ្ជៈជាច្រើនផងដែរ។ តាមពិតទៅ ប្រជាជនអាមេរិកប្រមាណ ៨៥ភាគរយ គឺញ៉ាំជាតិកាហ្វេអុីនពីកាហ្វេសឹងតែរាល់ថ្ងៃ។ មានទំនាក់ទំនងមួយរវាងការញ៉ាំជាតិកាហ្វេអុីន និងសុខភាពផ្លូវចិត្ត។ គេធ្វើការកំណត់ទៅលើជំងឺផ្លូវចិត្តដោយផ្អែកទៅលើបញ្ហានៃជាតិកាហ្វេអុីន ៤យ៉ាងដូចជា៖
- Caffeine Intoxication
– Caffeine Withdrawal
– Unspecified Caffeine-related Disorder
– Other Caffeine-induced Disorder (Anxiety Disorder, Sleep Disorder)
តាមការសិក្សាបានបង្ហាញថា កាហ្វេអុីននឹងបង្កើនភាពប្រុងប្រយ័ត្នរបស់មនុស្សយើងតាមរយៈការទប់ស្កាត់សារធាតុគីមីក្នុងខួរក្បាល (Adenosine) ដែលធ្វើឲ្យអ្នកមានអារម្មណ៍អស់កម្លាំង ខណៈពេលដែលធ្វើឲ្យបញ្ចេញសារធាតុ Adrenalin ដែលត្រូវបានគេដឹងថា បង្កើនថាមពលក្នុងខ្លួន ក្នុងពេលតែមួយ។ បើសិនចំនួនជាតិកាហ្វេអុីនខ្ពស់គ្រប់គ្រាន់ ឥទ្ធិពលរបស់វាក៏ខ្លាំងជាងមុន ដែលជាហេតុនាំឲ្យកើតជាអាការៈថប់ៗដោយសារតែជាតិកាហ្វេអុីន។
តាមការសិក្សាមួយទៀតៀបានសង្កេតឃើញថា ការញ៉ាំកាហ្វេអុីនច្រើនពេកអាចនាំឲ្យមានអាការៈស្រដៀងគ្នានឹងជំងឺចិត្តសាស្ត្រដូចជា ងងុយគេង និងថប់អារម្មណ៍ខុសធម្មតា បង្កើនភាពគ្រោះថ្នាក់ដល់ខ្លួនឯង និងអាការៈជំងឺចិត្តសាស្ត្រតែម្តង។
បើយោងទៅតាមរដ្ឋបាលចំណីអាហារ និងឱសថអាមេរិកបានឲ្យដឹងថា ការញ៉ាំជាតិកាហ្វេអុីន ៤០០មីលីក្រាមក្នុងមួយថ្ងៃដែលស្មើកាហ្វេប្រហែល ៤ពែង ជាធម្មតាមិនបង្កជាឥទ្ធិពលអវិជ្ជមាន ឬគ្រោះថ្នាក់ដល់មនុស្សពេញវ័យឡើយ។ ប៉ុន្តែគេបានប៉ាន់ស្មានថា ការញ៉ាំជាតិកាហ្វេអ៊ីនរហូតដល់ ១២០០មីលីក្រាមអាចធ្វើឲ្យមានការពុលរហូតដល់ប្រកាច់បាន (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ