ថ្លើមគឺជាសរីរាង្គដ៏សំខាន់បំផុតក្នុងរាងកាយ។ វាមាននាទីផលិតទឹកប្រមាត់ ច្រោះជាតិពុល បង្កើតប្រូតេអ៊ីន កាបូអ៊ីដ្រាត វីតាមីន និងជាតិរ៉ែជាដើម ។ ប៉ុន្តែ តើអ្នកមានដឹងទេថាតើខ្លួនឯងកំពុងតែថែរក្សាវាបានយ៉ាងល្អដែរទេ ? ពេលខ្លះ បើអ្នកមិនមានការយល់ដឹងច្រើនទេ អ្នកក៏នឹងបង្កើតបានជាទម្លាប់ជាច្រើនដែលផ្តល់ហានិភ័យដល់សុខភាពរាងកាយដែរ ។ អុីចឹង សូមពិនិត្យទៅលើទម្លាប់គ្រោះថ្នាក់មួយចំនួនខាងក្រោមនេះដែលវាអាចបង្កជាទុក្ខទោសដល់ថ្លើមអ្នកបាន៖
១-ញ៉ាំគ្រឿងស្រវឹង ច្រើនៗ ៖ ការញ៉ាំគ្រឿងស្រវឹង ច្រើនៗគឺជាមូលហេតុដ៏ចំបងមួយនៃការខូចថ្លើម ព្រោះវានឹងទៅកាត់បន្ថយសមត្ថភាពច្រោះជាតិពុលពីក្នុងរាងកាយ។ ដូច្នេះកាលណារាងកាយមានជាតិពុលកាន់តែច្រើន វានឹងបង្កជាការរលាក ហើយកើតជំងឺខ្លាញ់រុំថ្លើមទៀត។ នៅពេលថ្លើមបំបែក ឬច្រោះគ្រឿងស្រវឹង ប្រតិកម្មគីមីអាចនឹងបំផ្លាញកោសិកាថ្លើម ហើយរយៈពេល យូរៗទៅ ការខូចខាតនឹងមានជានិរន្តរ៍រហូតក្លាយទៅជាជំងឺក្រិនថ្លើម ដែលថ្លើមលែងមានមុខងាររបស់វាទៀតហើយ។
២-ញ៉ាំប្រៃពេក ៖ អ្នកជំនាញបានណែនាំថា ការញ៉ាំប្រៃមិនគួរណាច្រើនជាង ២០០០ទៅ២៤០០មីលីក្រាមក្នុងមួយថ្ងៃឡើយ ។ ប៉ុន្តែមនុស្សយើងបែរជាញ៉ាំច្រើនជាងនេះរហូតដល់៥០០០ ទៅ១០០០០មីល្លីក្រាមក្នុងមួយថ្ងៃ ដោយសារតែអាហារមានជាតិប្រៃ និងប្រើជាតិប្រៃដើម្បីរក្សាគុណភាពរក្សាបានយូរ ។ យ៉ាងណាមិញ បើសិនជាញ៉ាំប្រៃបែបនេះ វាអាចបណ្តាលឲ្យមានការរលាកក្នុងពោះ និងហើម ហើយថ្លើមក៏ត្រូវការធ្វើការងារច្រើនជាងធម្មតាទៀតដែរ ។
៣-ញ៉ាំអាហារកៃឆ្នៃច្រើនពេក ៖ កាលណាខ្លាញ់ស្រាប់តែរុំលើថ្លើមច្រើន គឺបណ្តាលមកពីការញ៉ាំអាហារមានជាតិផ្អែមច្រើន ដូច្នេះថ្ងៃក្រោយនឹងទៅជាជំងឺក្រិនថ្លើមបាន ។ សម្រាប់ជាតិស្ករធម្មជាតិក្នុងបន្លែ និងផ្លែឈើគឺមិនចោទជាបញ្ហាទេ ប៉ុន្តែបើសិនជាអាហារច្នៃនិងអាហារមានជាតិស្ករសិប្បនិមិត្តវិញ វានឹងធ្វើឲ្យមានបញ្ហាបែបនេះបាន។
៤-មិនញ៉ាំអាហារពេលព្រឹក ៖ ការតមអាហារពេលព្រឹកគឺជាគ្រោះមួយសម្រាប់សុខភាព ។ ការធ្វើបែបនេះត្រូវបានគេស្គាល់ថាធ្វើឲ្យឡើងទម្ងន់រយៈពេលយូរទៅវិញទេ ។ ដូច្នេះអ្នកទំនងជាដឹងស្រាប់ហើយថា ការឡើងទម្ងន់មិនមែនជារឿងល្អចំពោះថ្លើមឡើយ(ប្រភពពី៖ Health.com.kh) ៕ (កែសម្រួលដោយ ៖ បុប្ផា)
ចែករំលែកព័តមាននេះ