អ្នកវិទ្យាសាស្ត្រប្រទេសដាណឺម៉ាកបានលើកឡើងថា បណ្តាស្ត្រីវ័យក្មេងដែលទទួលទានត្រីជាប្រចាំរៀងរាល់សប្តាហ៍ មានភាគរយកើតជំងឺបេះដូងតិចតួចបំផុត ។ ការសិក្សាមួយដែលធ្វើឡើងដោយក្រុមវិទ្យាសាស្ត្ររបស់ប្រទេសនេះបានរកឃើញថា ទទួលទានរបបអាហារដែលសម្បូរដោយត្រីអាចកាត់បន្ថយការគាំងបេះដូង ព្រមទាំងជំងឺដាច់សរសៃឈាមខួរក្បាលបាន៩០ភាគរយ ។
អ្នកវិទ្យាសាស្ត្រប្រទេសដាណឺម៉ាកបានលើកឡើងថា បណ្តាស្ត្រីវ័យក្មេងដែលទទួលទានត្រីជាប្រចាំរៀងរាល់សប្តាហ៍ មានភាគរយកើតជំងឺបេះដូងតិចតួចបំផុត ។ ការសិក្សាមួយដែលធ្វើឡើងដោយក្រុមវិទ្យាសាស្ត្ររបស់ប្រទេសនេះបានរកឃើញថា ទទួលទានរបបអាហារដែលសម្បូរដោយត្រីអាចកាត់បន្ថយការគាំងបេះដូង ព្រមទាំងជំងឺដាច់សរសៃឈាមខួរក្បាលបាន៩០ភាគរយ ។
តាមការសិក្សាពិសោធន៍លើបុរសលើកមុនៗបញ្ជាក់ថា អត្ថប្រយោជន៍របស់ត្រីចំពោះសុខភាពមនុស្សកើតឡើងក៏ព្រោះតែវាមានអាស៊ីដខ្លាញ់អូមេហ្គា-៣។ សារធាតុនេះមានច្រើននៅក្នុងត្រីសូម៉ុង ត្រីស្បៃកា និងត្រីសាឌីន ។
អ្នកដឹកនាំការស្រាវជ្រាវវេជ្ជបណ្ឌិត Marin Strom មកពីវិទ្យាស្ថានផ្នែកស្រាវជ្រាវ Statens Serum Institut របស់ដាណឺម៉ាកថ្លែងនិយាយថា៖ «ការសិក្សារបស់យើងបង្ហាញថា បណ្តាស្ត្រីវ័យក្មេងដែលទទួលទានត្រីគឺពិតជាមានសារៈសំខាន់ចំពោះសុខភាពជាទូទៅ»។ សូមបញ្ជាក់ថា ការសិក្សាលើកនេះបានពិសោធលើស្ត្រី៤៩.០០០នាក់អាយុចាប់ពី១៥ទៅ៤៩ឆ្នាំដោយចំណាយពេលអស់៨ឆ្នាំ ។
វេជ្ជបណ្ឌិត Marin Strom បានបញ្ជាក់ទៀតថា៖ «វាជាការសិក្សាលើកដំបូងដែលបានផ្តោតជាសំខាន់ទៅលើស្ត្រី។ ថ្វីបើយើងបានរកឃើញពីផលប្រយោជន៍ទប់ទល់នឹងជំងឺបេះដូងក្នុងកម្រិតរបបអាហារមធ្យម ប៉ុន្តែក្នុងកម្រិតខ្ពស់ជាងនេះប្រហែលជាអាចនាំមកនូវផលប្រយោជន៍បន្ថែមទៀតផងដែរ»។ តាមរយៈលទ្ធផលរកឃើញនៅពេលនេះ ក្រុមស្រាវជ្រាវសង្ឃឹមថា នឹងជួយលើកទឹកចិត្តដល់មនុស្សក្មេងៗងាកមកទទួលទានត្រីកាន់តែច្រើនឡើង ៕
ចែករំលែកព័តមាននេះ