បន្ទាយមានជ័យ ៖ អភិបាលខេត្តបន្ទាយមានជ័យទទួលចិញ្ចឹមថ្លៃអង្ករ និងអគ្គិសនីដល់ក្រុមគ្រួសារដែលជួបការលំបាកដែលមានកូន៣នាក់ ពិការអវៈយវៈចុះជួប នៅថ្ងៃទី២៥ ខែឧសភា ឆ្នាំ២០១៩ ស្ថិតភូមិព្រៃឫស្សី សង្កាត់ព្រះពន្លា ក្រុងសិរីសោភ័ណ ។
ក្នុងឱកាសជួបសំណេះសំណាលលោក ហ៊ឹល រ៉ាយ៉ា អភិបាលក្រុងសិរីសោភ័ណបានប្រាប់ថាគ្រួសារដែលជួបការលំបាកមានកូនប្រុស៤នាក់ មាន៣នាក់ពិការអវៈយវៈ ដែលមានឱពុកឈ្មោះ សា រិនសាយ អាយុ៣២ឆ្នាំ (មានមុខរបបលក់ទឹកសុទ្ធ) និងម្តាយឈ្មោះ សុង សុផា អាយុ៣០ឆ្នាំ (ជាមេផ្ទះ) និងកូនទី១-ឈ្មោះ សាយ សាវុធ ភេទប្រុស អាយុ១១ឆ្នាំ (ពិកាអវៈយវៈ) កូនទី២-ឈ្មោះ សាយ វិសាល ភេទប្រុស អាយុ១១ឆ្នាំ (ពិការអវៈយវៈ) កូនទី៣- ឈ្មោះ សាយ វិសារ ភេទប្រុស អាយុ៩ឆ្នាំ (កាយសម្បទាល្អ) កូនទី៤-ឈ្មោះ សាយ សំណាង ភេទប្រុស អាយុ៨ឆ្នាំ (ពិការអវៈយវៈ) ដែលរស់នៅភូមិព្រៃឫស្សី សង្កាត់ព្រះពន្លា ក្រុងសិរីសោភ័ណ ។
ឱពុកម្តាយកូនពិការបានប្រាប់ថា គាត់បានប្តីប្រពន្ធរយៈពេល១២ឆ្នាំមកហើយ រហូតពេលនេះមានកូនប្រុស៤នាក់ ក្នុងនោះមាន៣នាក់ កូនត្រូវបានពិការអវៈយវៈ ដែលដេកនៅកន្ទេលហើយគ្រួសារក៏ជួបការលំបាក ដោយប្តីមានមុខរបបឌុបទឹកសុទ្ធ លក់បាន១ថ្ងៃ២ម៉ឺនរៀល ទៅ៣ម៉ឺនរៀល ផ្គត់ផ្គង់គ្រួសារមិនចង់មិនគ្រប់ ទើបសុំអោយសប្បុរសជនជួយ ។
លោកអ៊ុ រាត្រី អភិបាលខេត្តបន្ទាយមានជ័យបានប្រាប់ថា ក្រោយពេលទទួលព័ត៌មានពីអាជ្ញាធរមូលដ្ឋានហើយ លោកបាននាំយកអំណោយប្រគល់ជូនសម្ភារប្រើប្រាស់ និងគ្រឿងបរិភោគនិងរទេះអង្គុយ និងថវិកាមួយចំនួនសម្រាប់អោយឱពុកម្តាយយកកូនប្រុសដែលពិការអវៈយវៈចំនួន៣នាក់ មានម្នាក់ដែលជាកូនប្អូន គឺអវៈយវៈនៅកម្រើកបានអាចសង្ឃឹម និងព្យាបាលជាអោយថវិការយកទៅមន្ទីពេទ្យគន្ធបុប្ផាខេត្តសៀមរាប ដើម្បីព្យាបាលកូនអោយបានជាសះស្បើយ ។
លោកបានបញ្ជាក់ថា ដោយឃើញពីទុកលំបាក់គ្រួសារក្មេងពិការអវៈយវៈទាំង៣នាក់ គឺលោកបានជួយអង្ករជាប្រចាំ និងបង់ថ្លៃអគ្គិសនីជូន ដើម្បីសម្រាលការលំបាក ហើយថ្លែងអំណគុណចំពោះសប្បុរសជនដែលបាននាំយកអំណោយប្រគល់ជូននេះជាការងារមនុស្សធម៌ជួលដល់ប្រជាពលរដ្ឋដែលកំពុងខ្វះខាត ៕កែសម្រួលដោយ ៖ សុឃាក់
ចែករំលែកព័តមាននេះ