ប្រទេសចិន ៖ សារព័ត៌មានផ្លូវការចិនរាយការណ៍កាលពីថ្ងៃទី២៤ឧសភាថា ចិនគ្រោងប្ដូរទីតាំងរោងចក្រគីមីជាង៨០% រហូតដល់ដំណាច់ឆ្នាំ២០២០ ក្នុងក្របខណ្ឌនៃការកែទម្រង់បណ្ដាបទដ្ឋានសន្តិសុខ បន្ទាប់ពីការផ្ទុះឆេះរោងចក្រគីមីមួយ នៅទីក្រុងYANCHENGភាគខាងកើតប្រទេស បណ្ដាលឲ្យមនុស្សស្លាប់៧៨នាក់កាលពីខែមីនាកន្លងទៅ។
ទីភ្នាក់ងារព័ត៌មានចិនស៊ិនហួ ដែលដកស្រង់សម្ដីបណ្ដាតំណាងរដ្ឋាភិបាល រាយការណ៍ថា ក្រុងប៉េកាំងចាប់ពីពេលនេះទៅនឹងប្រមូលបណ្ដារោងចក្រគីមី ទៅកាន់បណ្ដាតំបន់ឧស្សាហកម្មពិសេសដែលធំទូលាយ ដោយនៅទីនោះការត្រួតពិនិត្យនិងកិច្ចការពារសន្តិសុខនឹងត្រូវពង្រឹង។
ទោះបីជាអាជ្ញាធរចិនចាត់វិធានការលើកមុនៗ ជាមួយការបង្កើនការត្រួតពិនិត្យចាប់តាំងពីឆ្នាំមុនមកក្ដី តែគ្រោះថា្នក់ស្លាប់មនុស្សច្រើននៅកើតមានញឹកញាប់ ក្នុងរោងចក្រគីមីចិនដែរ។ អាជ្ញាធរចាប់ផ្ដើមផ្ទេរកន្លែងផលិតបណ្ដាផលិតផលគ្រោះថ្នាក់ ទៅឲ្យឆ្ងាយពីតំបន់មានប្រជាជនរស់នៅច្រើនកុះករ ប៉ុន្តែបើតាមព័ត៌មាននានាថារោងចក្រគីមីជាច្រើន ត្រូវបង្ខំចិត្តផ្ទេរចេញជាថ្មី ដោយសារពេលនេះត្រូវមានការអនុវត្តវិធានសន្តិសុខម៉ឺងម៉ាត់៕
ចែករំលែកព័តមាននេះ