រាជធានីភ្នំពេញ ៖ តារាសម្តែងនាង សូដា នីតា បានតាំងចិត្តបដិសេធមិនទទួលថតនោះឡើយ ប្រសិនបើតម្លៃមិនដល់ដែលខ្លួនបានកំណត់។ ការកំណត់តម្លៃថតនេះ ត្រូវបានលើកឡើងថា ដោយសារតែខ្លួនត្រូវចំណាយទៅលើសម្ភារ…
រាជធានីភ្នំពេញ ៖ តារាសម្តែងនាង សូដា នីតា បានតាំងចិត្តបដិសេធមិនទទួលថតនោះឡើយ ប្រសិនបើតម្លៃមិនដល់ដែលខ្លួនបានកំណត់។ ការកំណត់តម្លៃថតនេះ ត្រូវបានលើកឡើងថា ដោយសារតែខ្លួនត្រូវចំណាយទៅលើសម្ភារ និងគ្រឿងអលង្កាផ្សេងងៗ។ យ៉ាងណា ការបដិសេធមិនទទួលថត ព្រោះមិនដល់តម្លៃរបស់តារារូបនេះក៏ទទួលបានការរិះគន់ពីបណ្តាផលិតករមួយចំនួនផងដែរ និងបានចោទប្រកាន់នាងជាតារាដែលវាយឫក។
ឆ្លើយតបបញ្ហាខាងលើនេះ សូដា នីតា បានអះអាងថា វាមិនមែនជាការវាយរឫកនោះឡើយ ប៉ុន្តែនេះជាគោលការណ៍ដែលតួនីមួយឱ្យតម្លៃរបស់ខ្លួនរៀងខ្លួន។ តារារូបនេះបញ្ជាក់ថា កុំនិយាយថា ខ្ញុំឫក មិនព្រមថត កុំប្រកាន់អី មិនមែនមិនចង់ថតឱ្យនោះទេ តែបើមិនត្រូវថ្លៃនៃតម្លៃខ្លួនសម្តែង ខ្ញុំក៏ថតដែរ ព្រោះថតរឿងតួម្នាក់ៗគឺត្រូវចំណាយលើសម្ភារៈជាច្រើន ខោអាវស្បែកជើង គ្រឿងអលង្ការ ។ល។
នាងបន្ថែមថា តួម្នាក់ៗ គឺមានតម្លៃខ្លួនផ្សេងៗ គួរយល់ កុំចេះតែហ៊ានដើរនិយាយថា ហៅច្រើនដងមិនថត ព្រោះឫក មិនមែនទេ។
តារាសម្តែងនាង សូដា នីតា ត្រូវបានគេមើលឃើញថា នាងកំពុងមានទីផ្សារសិល្បៈខ្ពស់គួរសមផងដែរ។ ក្រៅពីបង្ហាញវត្តមានសម្តែងតាមរយៈភាពយន្តជាបន្តបន្ទាប់នោះ នាងក៏មមាញឹកក្នុងការច្រៀងរាំតាមឆាកមង្គលការជាមួយក្រុមលោក យ៉ែម សំអូន ស្ទើរមិនដាច់សូរផងដែរ។ តម្លៃខ្លួនតារាដែលមិនមែនជាតួឯកអាចពី ១ពាន់ ទៅ២ពាន់ដុល្លារ៕ (កែសម្រួលដោយ ៖ បុប្ផា)
ចែករំលែកព័តមាននេះ