តាមប្រភពពី Shanghaiist បានឱ្យដឹងថា មានមនុស្ស៧នាក់ស្លាប់ ក្រោយមានការរលំអាគារលក់រថយន្ត Mercedes-Benz នៅក្នុងទីក្រុងសៀងហៃ ដែលកំពុងតែធ្វើការកែលម្អ កាលពីព្រឹកថ្ងៃព្រហស្បត្តិ៍ ។ ហេតុការណ៍នោះ កើតឡើងនៅប្រហែលម៉ោង១១កន្លះថ្ងៃត្រង់ នៅអាគារលក់រថយន្ត Mercedes-Benz 4S ដែលស្ថិតនៅលើផ្លូវ១៤៨ ។
ក្រុមអ្នកជួយសង្គ្រោះខាងពន្លត់អគ្គិភ័យជាង១៥០នាក់ បានមកដល់កន្លែងកើតហេតុ ហើយនាំគ្នាជួយយកកម្មករសំណង់ចេញពីគំនរអាគារ។ នៅវេលាម៉ោង០២ និង៤៥រសៀល គេបានជួយមនុស្ស១៧នាក់ចេញពីកន្លែងនោះ នាំទៅកាន់មន្ទីរពេទ្យភ្លាម។
មកដល់ពេលនេះ គេរកឃើញមនុស្សសរុបទាំងអស់២៣នាក់ ហើយមាន៧នាក់ក្នុងចំណោមនោះ បានស្លាប់បើទោះបីជាមានការជួយសង្គ្រោះក៏ដោយ។ សូមចូលរួមសោកស្តាយផង ។ (សម្រួលដោយ៖ ស្រីណា)
ចែករំលែកព័តមាននេះ