តាមប្រភពពី Shanghaiist បានឱ្យដឹងថា បុរសម្នាក់ត្រូវបានគេឃើញឈរស្ងៀមឱ្យស្ត្រីម្នាក់ទៀត ដែលជាសង្សារទះកំផ្លៀងជាច្រើនដង នៅមុខមហាជន ក្នុងខេត្ត Sichuan។ មូលហេតុនោះ គឺមកពីបុរសជាសង្សារមិនបានទិញទូរស័ព្ទឱ្យនៅថ្ងៃបុណ្យនៃសេចក្តីស្រឡាញ់របស់ប្រទេសចិន…
តាមប្រភពពី Shanghaiist បានឱ្យដឹងថា បុរសម្នាក់ត្រូវបានគេឃើញឈរស្ងៀមឱ្យស្ត្រីម្នាក់ទៀត ដែលជាសង្សារទះកំផ្លៀងជាច្រើនដង នៅមុខមហាជន ក្នុងខេត្ត Sichuan។ មូលហេតុនោះ គឺមកពីបុរសជាសង្សារមិនបានទិញទូរស័ព្ទឱ្យនៅថ្ងៃបុណ្យនៃសេចក្តីស្រឡាញ់របស់ប្រទេសចិន (ថ្ងៃទី២០ ឧសភា)។
តាមវីឌីអូរបស់កាមេរ៉ាសុវត្ថិភាព និងកាមេរ៉ារបស់មហាជននៅទីនោះ ដែលស្ថិតនៅផ្លូវមួយក្នុងក្រុង Dazhou បានបង្ហាញឱ្យឃើញថា ស្ត្រីម្នាក់ទះកំផ្លៀងបុរសម្នាក់ជាច្រើនដៃ ហើយស្រែកជេរឮៗ ខណៈដែលខាងប្រុសនៅឈរស្ងៀមមិនតដៃ ឬដើរចេញទាល់តែសោះ ។
នៅពេលប៉ូលិសមកដល់ បុរសនោះហាក់បីជាការពារមិត្តស្រីរបស់ខ្លួនថា ការទទួលកំផ្លៀងជាច្រើនដងនេះ ពិតជាស័ក្តិសមសម្រាប់កំហុស ដែលមិនបានទិញទូរស័ព្ទដៃឱ្យនាង។ បុរសជាសង្សារបានថា មានតែឱ្យនាងទះកំផ្លៀងទេ ទើបធ្វើឱ្យនាងស្ងប់អារម្មណ៍បាន។ ប៉ូលិសបានមើលតាមកាមេរ៉ាសុវត្ថិភាពឃើញថា ចំនួនដងដែលមិត្តស្រីម្នាក់នោះទះកំផ្លៀង គឺមានចំនួនសរុប៥២ដង ។
ពិតជាសុំសរសើរបុរសចិត្តធ្ងន់ម្នាក់នេះមែន ! (សម្រួលដោយ៖ ស្រីណា)
ចែករំលែកព័តមាននេះ