ក្រសួងអប់រំស្នើឱ្យ​សមត្ថកិច្ចចាប់​ខ្លួន​ម្ចាស់​​អាក់​ខោន«សេវាផ្សេងទៀត»


រាជធានី​ភ្នំពេញ ៖ ក្រសួង​អប់រំ យុវជន និងកីឡា បាន​ស្នើ​ឲ្យ​សមត្ថកិច្ច​ពាក់ព័ន្ធ​ទាំងអស់ ចាប់ខ្លួន​ម្ចាស់​អា​ខោ​ន​ឈ្មោះ​«​សេវា​ផ្សេង​ទៀត​» ដើម្បីដាក់ទោស​តាម​ផ្លូវច្បាប់​ជា​ធរមាន ។ ការ​ប្រកាស​របស់​ក្រសួង​អប់រំ​នេះ គឺ​បន្ទាប់​ពី​អា​ខោ​ន​ហ្វេ​ស​ប៊ុ​ក​ឈ្មោះ​«​សេវា​ផ្សេង​ទៀត​» បាន​បង្ហោះ​ព័ត៌មាន​ដែល​មាន​ចរិត​បោកប្រាស់ និង​បង្ខូចកេរ្តិ៍​ឈ្មោះ​របស់​ក្រសួង​អប់រំ យុវជន​និង​កីឡា ពាក់ព័ន្ធ​នឹង​ការ​ធ្វើ​សញ្ញាបត្រ​បាក់​ឌុ​ប និង​បរិញ្ញា​បត្រ​​គ្រប់​ផ្នែក ។

យោង​តាម​សេចក្តី​ប្រកាស​ព័ត៌មាន​របស់ក្រសួង​អប់រំ យុវជន និង​កីឡា ចេញផ្សាយ​កាលពី​ថ្ងៃ​ទី​២០ ខែ ឧសភា បញ្ជាក់​ថា «​ការ​បង្ហោះ​ព័ត៌មាន​បែប​នេះ​ជា​អំពើ​ខុសច្បាប់ ដែល​បំពាន​ដល់​សេចក្តី​ថ្លៃថ្នូរ និង​កិច្ច​ខិតខំ​ប្រឹងប្រែង​របស់រាជរដ្ឋាភិបាល​កម្ពុជា ក៏​ដូច​ជា​ការ​អនុវត្ត​កំណែទម្រង់​របស់​ក្រសួង​អប់រំ យុវជន និង​កីឡា ក្នុងការ​លើកកម្ពស់​គុណភាព​អប់រំ​នៅ​កម្ពុជា ជា​ពិសេស​ប៉ះពាល់​ដល់​ស្មារតី និង​ការ​ខិតខំ​រៀនសូត្រ​របស់​សិស្សានុសិស្ស និង​និស្សិត​កម្ពុជា​» ។

ក្រសួង​អប់រំ យុវជន និង​កីឡា បាន​និង​កំពុង​សហការ​ជាមួយ​សមត្ថកិច្ច​ពាក់ព័ន្ធ​ទាំងអស់ ក្នុង​ការ​ស្វែងរក​ជន​ដែល​បង្ហោះ​ព័ត៌មាន​ខាងលើ​នេះ ដើម្បី​ចាត់វិធានការ​តាម​ផ្លូវច្បាប់ ។ ក្នុង​នោះ​ដែរ ក្រសួង​ក៏​អំពាវនាវ​ដល់​សាធារណជន និង​ប្រព័ន្ធផ្សព្វផ្សាយ​គ្រប់​ប្រភេទ ចូលរួម​ទប់ស្កាត់​ការ​ចែក ចាយ​ព័ត៌មាន​នេះ​តាម​គ្រប់​រូបភាព ព្រមទាំង​សហការ​ផ្តល់​ព័ត៌មាន​ជូន​សមត្ថកិច្ច ក្នុង​ការ​ឈាន​ទៅ​កំណត់​មុខសញ្ញា​ជន​ដែល​បាន​ប្រព្រឹត្ត​អំពើ​ខាងលើ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ