រាជធានីភ្នំពេញ ៖ ក្នុងពេលដែលអាជីពសិល្បៈកាន់តែមានទីផ្សារខ្ពស់តារាកប្លែងនាង ស្រេង សុកាន់ដា ហៅ ខ្ញុង បានឡើងកាលីពរថយន្តម៉ាក Landcruiser តម្លៃជិត២០ម៉ឺនដុល្លារ។…
រាជធានីភ្នំពេញ ៖ ក្នុងពេលដែលអាជីពសិល្បៈកាន់តែមានទីផ្សារខ្ពស់តារាកប្លែងនាង ស្រេង សុកាន់ដា ហៅ ខ្ញុង បានឡើងកាលីពរថយន្តម៉ាក Landcruiser តម្លៃជិត២០ម៉ឺនដុល្លារ។
រថយន្តថ្មីរបស់នាងនាំមកដល់គេហដ្ឋានរបស់នាងកាលពីម្សិលមិញ ដោយមានការសែនព្រេងតាមជំនឿសាសនា។ ជាមួយនឹងរថយន្តដ៏ថ្មីស្រឡាងនេះ អ្នកនាង ខ្ញុង ក៏បានថតបង្ហោះបង្ហាញដល់មហាជនតាមបណ្តាញសង្គមបញ្ជាក់ពីភាពជោគជ័យដែលនាងសម្រេចបាននាពេលនេះ។
អ្នកនាង ខ្ញុង ក៏បានភ្ជាប់សារថា «ខ្ញុំប្រឹងរាល់ថ្ងៃស្ទើរងាប់ ស្ទើររស់។ ដូច្នេះ វាមិនចំលែកទេ ដែលខ្ញុំទទួលបាននៅអ្វីដែលខ្ញុំប្រាថ្នានោះ ព្រោះវាបានមកពីការតស៊ូរបស់ខ្ញុំ»។
គួរកត់សម្គាល់ថា តារាកំប្លែងអ្នកនាង ខ្ញុង ត្រូវបានគេមើលឃើញថា កំពុងមានសន្ទុះយ៉ាងខ្លាំងនៅអាជីពសិល្បៈរបស់នាង។ ក្រៅពីការសម្តែងកំប្លែងប្រចាំស្ថានីយទូរទស្សន៍ CTN តារារូបនេះក៏មានការកាក់កបខ្លាំងផងដែរ ក្នុងការចេញច្រៀងកាត់សក់នៅក្នុងពិធីមង្គលការជាបន្តបន្ទាប់ស្ទើរមិនដាច់ថ្ងៃ។
ក្រៅពីអាជីពសិល្បៈនេះ នាងក៏មានមុខរបរលក់សាច់ក្រក និងផ្អក ប្រហុក តាមអនឡាញផងដែរ បន្ថែមលើមុខរបរពុះដីឡូតិ៍លក់បន្ថែមទៀត៕ (កែសម្រួលដោយ ៖ បុប្ផា)
ចែករំលែកព័តមាននេះ