នាង អេលវ៉ា សៀវ (Elva Hsiao) ឬ«សៀវ យ៉ាសួន»បានសម្រេចចិត្តប្ដឹងក្រោយពីប្រព័ន្ធផ្សព្វផ្សាយជាច្រើនឆ្លុះបញ្ចាំងពីចេតនាអាក្រក់ និងរឿងមិនពិតមកលើរូបនាង ដោយសារនាងបាត់មុខពីមជ្ឈដ្ឋានសម្តែងរយៈពេល១៨ខែ រហូតមានរឿងអាស្រូវថានាងកំពុងធុញទ្រាន់លើការកើតអេដស៍ ។
«Mirror Media» របស់តៃវ៉ាន់ផ្សាយកាលពីពេលថ្មីៗកន្លងមកថាអេលវ៉ា អាយុ៣៩ឆ្នាំចាំបាច់ត្រូវសម្រាកពីការងារ ព្រោះតែអាការរលាកបំពង់កធ្ងន់ ។
កន្លងមកមានពាក្យចចាមអារ៉ាមថានាងបានឆ្លងវីរុសHIV ទើបបាត់មុខមួយរយៈ បញ្ហានេះធ្វើឲ្យនាងស៊ូទ្រាំនឹងពាក្យចចាមអារ៉ាមមិនបាន ព្រោះវាបានកើតឡើងក្នុងទិវាបុណ្យម្ដាយកាលពីថ្ងៃទី១២ ឧសភា ២០១៩តាមរយៈការចុះផ្សាយពីបណ្ដាញផ្សព្វផ្សាយជាច្រើន ហើយក៏សម្រេចចិត្តប្ដឹង ។
នាងអេលវ៉ា សៀវ និយាយថា«នាងខ្ញុំនឹងដំណើរការប្ដឹងតាមផ្លូវច្បាប់ទៅលើបណ្ដាញសារព័ត៌មាននានាដែលចុះផ្សាយដោយគ្មានការណ៍ពិតមកលើរូបខ្ញុំ និងសង្ឃឹមថាពួកគេនឹងឈប់ធ្វើទុក្ខបុកម្នេញខ្ញុំបន្តទៀត» ៕
ចែករំលែកព័តមាននេះ