អតីតប្រធានាធិបតីអាេមរិកលោកជីមីខាទ័រ ដែលកំពុងបំពេញទស្សនកិច្ចនៅគុយបាថ្លែងកាលពីថ្ងៃទិ២៩ មីនា ថា លោកចង់ចូលរួមក្នុងការកែលំអទំនាក់ទំនងអាមេរិក-គុយបា ។ លោកខាទ័រ ដែលកំពុងបំពេញទស្សនកិច្ចឯកជននៅគុយបាឱ្យដឹងក្នុងឱកាសនៃសន្និសីទសារព័ត៌មានមួយថា លោកបានពិភាក្សាជាមួយបណ្តាមេដឹកនាំគុយបាពីរឿងពលរដ្ឋអាមេរិកម្នាក់លោក ALAN GROSS ដែលកំពុងជាប់ឃុំឃាំងនៅគុយបា ។ លោក GROSS ត្រូវកាត់ទោសដាក់គុក១៥ឆ្នាំ កាលពីដើមខែមីនានេះ ពីបទធ្វើសកម្មភាពប្រឆាំងឯករាជភាព និងបូរណភាពដែនដីរដ្ឋគុយបា ។
លោកខាទ័រគូសបញ្ជាក់ថា គោលបំណងសំខាន់នៃទស្សនកិច្ចរបស់លោក គឺកែលំអទំនាក់ទំនងទ្វេភាគី និងទស្សនាទីកន្លែងនានាដែលមានកម្មវិធិសង្គម ហើយពុំមែនសាកល្បងបញ្ចុះបញ្ចូលអាជ្ញាធរគុយបាឱ្យដោះលែងលោក GROSS ឡើយ ។ លោកខាទ័រធ្លាប់មកកាន់គុយបាកាលពីឆ្នាំ២០០២ ម្តងហើយ និងបានបង្កើតកម្មវិធីជាច្រើនសម្រាប់ការអភិវឌ្ឍន៍សង្គមក្នុងក្របខណ្ឌនៃមូលនិធិរបស់លោក គឺមជ្ឈមណ្ឌល
ខាទ័រ ៕
ចែករំលែកព័តមាននេះ