ឆ្នាំនេះជាឆ្នាំដំបូងដែលអ្នកនាង ឈុមភូ អារ៉ៈយ៉ា បានបីកូនភ្លោះទាំងពីរដែលមានឈ្មោះថា សាយហ្វា និង ផាយុ មកឱ្យកម្លាំងចិត្តខ្លួន ពេលដើរលើកម្រាលព្រំក្រហមក្នុងកម្មវិធីភាពយន្តក្រុងខានស៍ ប្រទេសបារាំង។
ឈុមភូ បានដើរលើព្រំក្រហមក្នុងឈុតដ៏សិចស៊ីខ្លាំងតែម្ដង ។ វាកាន់ពិសេសត្រង់ថា កូនប្រុសទាំងពីររបស់នាងគឺ សាយហ្វា និង ផាយុ ស្លៀកឈុតអាវធំដើរមកជូនដំណើរមកកម្មវិធីនេះឯង ដែលធ្វើឱ្យម្ដាយរីករាយយ៉ាងខ្លាំងព្រោះវាជាកម្លាំងចិត្តដ៏ល្អបំផុតសម្រាប់នាង ។ មុនកម្មវិធី នាងក៏បានបីកូនទាំងពីរមកថតរូបដែលវាជារូបថតដ៏គួរឱ្យស្រឡាញ់ខ្លាំងមែនទែន ។
បើទោះជាកូនៗទាំងពីររពឹសបន្តិចមែន ដោយគេបានទាញក្រវិលរបស់ម្ដាយ រហូតដល់ធ្វើឱ្យអ៊ំៗ មីងៗ លាន់មាត់ឮៗតែម្ដង ព្រោះថាគ្រឿងពេជ្រដែល ឈុមភូ ពាក់នោះមានតម្លៃប្រមាណជាង ៨០ លានបាត (ប្រហែលខ្ទង់២លាន៥សែនដុល្លារ) ៕
ចែករំលែកព័តមាននេះ