ខេត្តកណ្តាល ៖ យុវជន៣នាក់សុទ្ធតែធ្លាប់បានរួមភេទជាមួយស្ត្រីម្នាក់គ្រប់ៗគ្នា ដែលអ្នកខ្លះម្តង ខ្លះ២ដង និងខ្លះទៀត៣ដងរួចមកហើយ ប៉ុន្តែមិនដែលត្រូវនាងប្ដឹងម្ដងណាឡើយ ។ លុះលើកចុងក្រោយនេះ ពួកគេទាំង៣នាក់ស្រាប់តែបែកគំនិតរួមភេទជាមួយនាងម្ដងម្នាក់ៗក្នុងពេលតែមួយ…
ខេត្តកណ្តាល ៖ យុវជន៣នាក់សុទ្ធតែធ្លាប់បានរួមភេទជាមួយស្ត្រីម្នាក់គ្រប់ៗគ្នា ដែលអ្នកខ្លះម្តង ខ្លះ២ដង និងខ្លះទៀត៣ដងរួចមកហើយ ប៉ុន្តែមិនដែលត្រូវនាងប្ដឹងម្ដងណាឡើយ ។ លុះលើកចុងក្រោយនេះ ពួកគេទាំង៣នាក់ស្រាប់តែបែកគំនិតរួមភេទជាមួយនាងម្ដងម្នាក់ៗក្នុងពេលតែមួយ ក៏ត្រូវនាងប្ដឹងនគរបាលឲ្យចាប់ខ្លួនចាត់ការតាមច្បាប់កាលពីល្ងាចថ្ងៃទី១៧ ខែឧសភាកន្លងទៅ ដោយចោទប្រកាន់ពីបទចាប់នាងរំលោភបូក ។
ហេតុការណ៍នេះ កើតឡើងកាលពីវេលាម៉ោងប្រមាណ៨និង៣០នាទីយប់ថ្ងៃទី១៤ ខែឧសភាកន្លងទៅ នៅចំណុចសួនច្បារក្នុងមណ្ឌលបណ្តុះបណ្តាលវិជ្ជាជីវៈបន្ទាយព្រាប ស្ថិតក្នុងឃុំឆក់ឈើនាង ស្រុកអង្គស្នួល ។
មន្ត្រីនគរបាលឲ្យដឹងថា ស្ត្រីដែលប្ដឹងនគរបាលឲ្យចាប់ខ្លួនយុវជនទាំង៣នាក់នេះ មានអាយុ១៩ឆ្នាំ ហើយបើតាមឯកសារព័ត៌មានរបស់មណ្ឌលខាងលើបានអះអាងថា នាងគឺជាជនខ្សោយបញ្ញា ។ ដោយឡែកយុវជនដែលត្រូវបានឃាត់់ខ្លួនមាន ១-ឈ្មោះ ចែម ចុន អាយុ១៦ឆ្នាំ ២-ឈ្មោះ ប៉ូច គង់ អាយុ១៨ឆ្នាំ និង៣-ឈ្មោះ បាន ម៉េង អាយុ២៩ឆ្នាំ ។ ពួកគេទាំង៣នាក់ កំពុងរៀនជួសជុលម៉ូតូ និងស្នាក់នៅក្នុងមណ្ឌលអប់រំពិសេស ។
ប្រភពដដែលបន្តថា កន្លងមកជនទាំង៣នាក់ ធ្លាប់បានរួមភេទជាមួយស្ត្រីរងគ្រោះគ្រប់ៗគ្នាតែនាងមិនដែលប្ដឹងម្ដងណាឡើយ ។ ដោយឡែកនៅវេលាម៉ោងប្រមាណ៨និង៣០នាទីយប់ថ្ងៃទី១៤ ខែឧសភា ស្ត្រីរងគ្រោះនិងយុវជនទាំងនេះ នៅអង្គុយមើលទូរទស្សន៍ក្នុងមណ្ឌលជាមួយគ្នា បន្ទាប់មកយុវជនឈ្មោះ ចែម ចុន បានហៅនាងឲ្យចេញក្រៅបន្ទប់ ហើយនាងក៏ចេញតាម ។ ក្រោយមក យុវជននេះបានប្រាប់នាងថា «ឲ្យបងឈ្មោះបាន មេង១ទៅ» គឺឲ្យរួមរ័ក១ដងទៅ ហើយនាងក៏យល់ព្រម ទើបឈ្មោះបាន ម៉េង ដឹកដៃនាងចូលទៅក្នុងសួនច្បារខាងមុខ ហើយរួមភេទរហូតបានសម្រេច ។
ប្រភពដដែលឲ្យដឹងទៀតថា ក្រោយពីរួមរ័កហើយ ឈ្មោះ បាន ម៉េង ក៏ដើរចេញទៅ ស្រាប់តែឈ្មោះ ចែម ចុន ចូលទៅរួមភេទបន្ត ហើយបន្ទាប់មកឈ្មោះ ប៉ូច គង់ ក៏ចូលទៅរួមភេទទៀត ។ លុះមកដល់ថ្ងៃទី១៧ ខែឧសភា ជនរងគ្រោះបានទៅដាក់ពាក្យបណ្ដឹងសុំឲ្យនគរបាលស្រុកអង្គស្នួលចាប់ខ្លួនយុវជនទាំង៣នាក់ ពីបទរំលោភបូក ទើបនៅល្ងាចថ្ងៃដដែលនគរបាលបានទៅចាប់ខ្លួនពួកគេនាំទៅសាកសួរនិងចាត់ការតាមច្បាប់ ។
មន្ត្រីនគរបាលបញ្ជាក់ថា នៅពេលសាកសួរ ជនឈ្មោះ ចែម ចុន សារភាពថា ខ្លួនធ្លាប់បានរួមភេទជាមួយនាងដោយស្ម័គ្រចិត្តគ្មានការបង្ខិតបង្ខំចំនួន៣ដងរួចមកហើយ ។ ចំណែកឈ្មោះបាន ម៉េង ឆ្លើយសារភាពថា ពីមុនខ្លួនធ្លាប់បានរួមភេទជាមួយនាងម្តង រីឯឈ្មោះប៉ូច គង់ សារភាពថា ខ្លួនធ្លាប់បានរួមភេទជាមួយនាង២ដងដែរ ៕
ចែករំលែកព័តមាននេះ