លោកយូឌីស្កូដែលធូរស្បើយពីអាការៈជំងឺខូចក្រលៀននាពេលនេះ បានសម្រុកវិលរកគន្លឹះផែនការចូលសិល្បៈវិញ បន្ទាប់ពីលោកបានជ្រើសរើសដៃគូចាស់ទូច ស្រីលក្ខណ៍មកសម្តែងតាមឆាកតន្ត្រី ។លោកត្រៀមបង្ហាញវត្តមានតាមកញ្ចក់ទូរទស្សន៍ហើយ មានបទចម្រៀងលក្ខណៈខូវើឡើងវិញ បញ្ចូលបច្ចេកទេសទំនើបៗដើម្បីបន្ថែមភាពទាក់ទាញ ។ សុខភាពកាន់តែល្អប្រសើរ យូឌីស្កូ…
លោកយូឌីស្កូដែលធូរស្បើយពីអាការៈជំងឺខូចក្រលៀននាពេលនេះ បានសម្រុកវិលរកគន្លឹះផែនការចូលសិល្បៈវិញ បន្ទាប់ពីលោកបានជ្រើសរើសដៃគូចាស់ទូច ស្រីលក្ខណ៍មកសម្តែងតាមឆាកតន្ត្រី ។លោកត្រៀមបង្ហាញវត្តមានតាមកញ្ចក់ទូរទស្សន៍ហើយ មានបទចម្រៀងលក្ខណៈខូវើឡើងវិញ បញ្ចូលបច្ចេកទេសទំនើបៗដើម្បីបន្ថែមភាពទាក់ទាញ ។ សុខភាពកាន់តែល្អប្រសើរ យូឌីស្កូ ក៏បានលេចមុខនៅក្នុងកម្មវិធីប្រគំតន្ត្រីបណ្តើរៗ ។
បើតាមការប្រាប់ដោយផ្ទាល់ពីយូឌីស្កូដល់អ្នកសារព័ត៌មានយើង កាលពីពេលថ្មីៗនេះថាក្រោយពីទម្លាយរឿងវិលចូលសិល្បៈឡើងវិញ នៅពេលធូរស្បើយពីជំងឺលោកបានជ្រើសរើសប្រភេទបទចម្រៀងលក្ខណៈខូវើបទចាស់ៗសម័យមុនជាបន្តបន្ទាប់ថតឡើងវិញបានបទមួយចំនួន ដើម្បីត្រៀមបង្ហាញរសជាតិថ្មីនាពេលខាងមុខ ។
តារាដែលដុះក្តីសង្ឃឹមឡើងវិញរូបនេះពោលបន្តថា លោកពន្យាពេលបង្ហាញមុខមួយរយៈខ្លីទៀតសិន ។ វាដូចជួយអោយលោកបានសម្រាកថែខ្លួនអោយល្អយកកម្លាំងដែរ ដើម្បីឡើងសាច់ជាងនេះទៀត ។ លោក និងទូចស្រីលក្ខណ៍ បានសហការគ្នារកអ្វីប្លែកៗសម្តែងជូនមហាជន ដើម្បីតបការនឹករលឹកហើយក៏មិនមែនចង់ជែងរលកក្រោយអ្វីដែរ គឺធ្វើឡើងតាមលទ្ធភាពដែលមាន ។
ទាក់ទិន និងសុខភាពពេលនេះយូឌីស្កូនិយយាថា តមអាហារមួយចំនួនដូចជា ទឹកក្រូច គ្រឿងស្រវឹង ប្រភេទសាច់ហូបបានតែត្រី និងប្រើថ្នាំជាប្រចាំ ។ ដោយសារទទួលបានកម្លាំងចិត្តពីមិត្តសិល្បករមហាជនអាណិតស្រឡាញ់ទើបលោកប្រឹងជម្នះរហូតយកឈ្នះមកដល់ចំនុចនេះ ដោយអត់ធ្មត់ឆ្លងកាត់ភាពអំណត់ដ៏លំបាកបំផុត ៕
ចែករំលែកព័តមាននេះ