រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិបានអះអាងថា ក្រុមលោកសម រង្ស៊ី បានក្បត់រដ្ឋធម្មនុញ្ញ និងកិច្ចព្រមព្រៀងក្រុងប៉ារីស និងជាអ្នកបំផ្លាញលទ្ធិប្រជាធិតេយ្យនៅកម្ពុជា ។ ថ្លែងក្នុងពិធីធ្វើសមាជវិសមាញ្ញរបស់គណបក្សឆន្ទៈខ្មែរ លោកគង់ គាំ ប្រធានកិត្តិ យសគណបក្សឆន្ទៈខ្មែរបានលើកឡើងថា យើងមិនក្បត់រដ្ឋធម្មនុញ្ញ និងកិច្ចព្រមព្រៀងទីក្រុង ប៉ារីសដូចគេនោះទេ ។
យើងត្រូវចូលរួមបោះឆ្នោតដែលកំណត់តាមច្បាប់រៀងរាល់៥ ឆ្នាំម្តង ។ លោកបន្តថា មានតែការបោះឆ្នោតតាមរបបលទ្ធិប្រជាធិបតេយ្យតែប៉ុណ្ណោះ ទើបមានសន្តិភាពប្រជាធិតេយ្យ និងការគោរពសិទ្ធមនុស្សនៅកម្ពុជាខុសពីអ្វីដែលក្រុមលោក សម រង្ស៊ី លើកឡើង ។ ជាមួយគ្នានោះដែរលោក គង់ គាំ បានលើកឡើងថា អតីតគណបក្សសង្គ្រោះជាតិបានខិតខំរារាំង និង បំផ្លាញការបោះឆ្នោតកាលពីឆ្នាំ២០១៨ គ្មានប្រយោជន៍នោះទេ ។ កាលពីឆ្នាំ២០១៨ គេធ្វើមហាបាតុកម្មភ្លើងទៀនលើកទី១ នៅកូរ៉េខាងក្បូង ដើម្បីបដិសេធន៍ការបោះឆ្នោត២០១៨ ហើយពេលថ្មីៗនេះគេធ្វើមហាបាតុកម្មភ្លើងទៀនលើកទី២ នៅកូរ៉េ ដើម្បីបំផ្លាញការបោះឆ្នោតឆ្នាំ២០១៩ខាងមុខនេះ ។
លោកបានបញ្ជាក់ថា«ភ្លើងទៀតរលត់រលាយហើយ ពួកគេកំពុងតែខ្ចាត់ខ្ចាយអស់ហើយ ។ ម៉េះខ្ញុំថា បែកខ្ចាត់ខ្ចាយព្រោះថា មានសមាជិកបក្សប្រឆាំងមួយក្រុមដែលមានព្រះអង្គម្ចាស់ ស៊ីសុវត្ថិធម្មមិកោ លើកឡើងថា បើទៅឈូសឆា អំណាចសព្វថ្ងៃនៅកម្ពុជា មានតែបដិវត្ត ហើយ»។ ប្រធានកិត្តយសគណបក្សឆន្ទៈខ្មែរក៏បានលើកឡើងថា មានទាំងសម្តេចសុវត្ថិធម្មិកោ លោក ហុង លឹម អតីតសមាជិកសភាអូស្ត្រាលី និងអ្នកគាំទ្រគណបក្សសង្គ្រោះជាតិមួយចំនួនទៀតមិនពេញចិត្តនឹងទង្វើរបស់លោកសម រង្ស៊ី និងក្រុមលោកនោះទេ ព្រោះថាមិន គោរពតាមគោលការណ៍អតីតគណបក្សសង្គ្រោះជាតិនោះទេ ។
លោកបន្តថា គណបក្សសង្គ្រោះជាតិ មានគោលការណ៍មិនយកខ្មែរណាជាសត្រូវនោះទេ ហើយចូលរួមបោះឆ្នោតគោរពតាមរដ្ឋធម្មនុញ្ញ ។ អតីតបក្សប្រឆាំងនេះប្រហែលជានឹងចូលរួ បោះឆ្នោតនៅឆ្នាំ២០២០ ឬ២០២៣ នៅពេលរួចពីបម្រាមនយោបាយ៕
ចែករំលែកព័តមាននេះ