ប្រជាជនកម្ពុជាជាច្រើនចូលចិត្តទស្សនាខ្សែភាពយន្តថៃ។ អ្នកខ្លះក៏ក្លាយជាហ្វេនរបស់តារាថៃ ។ កោះសន្តិភាពថ្ងៃនេះសូមណែនាំតារាស្រីថៃបីរូប ដែលកំពុងរះយ៉ាងភ្លីចិញ្ចាចនៅក្នុងភាពយន្តថៃ ។
1. យ៉ាយ៉ា អ៊ុរ៉ាសាយ៉ា ៖ នាពេលបច្ចុប្បន្ន នាងកំពុងមានភាពល្បីល្បាញខ្លាំង ទាំងនៅក្នុងប្រទេសថៃ និងនៅក្រៅប្រទេស ។ នាងមានរូបសម្បត្តិស្រស់ស្អាត ហើយនាងមានជំនាញសម្ដែងយ៉ាងល្អ ។ សកម្មភាពរស់រវើក និងទាក់ទាញរបស់នាងអាចឃើញដូចក្នុងខ្សែភាពយន្តភាគថៃរឿងម្កុដរាជនី ។
2.ប៊ែលឡា រ៉ានី ៖ ជំនាញសម្ដែងរបស់នាងពិតជាអស្ចារ្យ ហើយក៏បានទទួលការសរសើរពីទស្សនិកជនកម្ពុជាជាមួយនឹងការសម្ដែងរបស់នាងនៅក្នុងរឿងភាគ «គុកកម្ម» «ភ្លើងបុណ្យ» និង«បុព្វេសន្និវាស» ។
3.ទែវ ណៈថៈផន ៖ នាង គឺជាតារាសម្ដែងស្រីកំពូលម្នាក់ទៀតក្នុងវិស័យសិល្បៈថៃ ជាមួយនឹងជំនាញសម្ដែងដ៏អស្ចារ្យរបស់នាង ។ ទែវ ណៈថៈផន តែងតែមាននូវព័ត៌មានល្អៗបើទោះជានាងបានធ្វើការងារក្នុងវិស័យនេះបានជាង១០ឆ្នាំហើយក៏ដោយ ៕
ចែករំលែកព័តមាននេះ