នៅឯ HP Gaming Festival ក្នុងទីក្រុងប៉េកាំងក្រុមហ៊ុនយក្ស HP បានឆ្លៀតឱកាសបង្ហាញពី ការធ្វើឱ្យទាន់សម័យដល់កុំព្យូទ័រលេងហ្គេមមួយចំនួនជាមួយម៉ូដែល Omen និង…
នៅឯ HP Gaming Festival ក្នុងទីក្រុងប៉េកាំងក្រុមហ៊ុនយក្ស HP បានឆ្លៀតឱកាសបង្ហាញពី ការធ្វើឱ្យទាន់សម័យដល់កុំព្យូទ័រលេងហ្គេមមួយចំនួនជាមួយម៉ូដែល Omen និង Pavilion ។ មួយក្នុងចំណោមម៉ាស៊ីនកុំព្យូទ័រថ្មីទាំងនេះរួមមាន HP Omen X 2S ដែលជាកុំព្យូទ័រយួរដៃ លេងហ្គេមមានអេក្រង់ដល់ទៅពីរដោយត្រូវបានគេកំណត់ថាជា «របារសម្រាប់បទពិសោធ លេងហ្គេម» ។
ក្រុមហ៊ុននេះបានអះអាងថាកុំព្យូទ័រយួរដៃថ្មីនេះនឹងទទួលបានមកុដជាកុំព្យូទ័រយួរដៃលេងហ្គេមដែលមានអេក្រង់ពីរដំបូងគេនៅលើពិភពលោក ។ សារព័ត៌មាន pocket-lint បានចេញផ្សាយ ឱ្យដឹងថា វាត្រូវបានគេរចនាឡើងដើម្បីបង្កើនសមត្ថភាពនៅពេលអ្នកដំណើរការលេងហ្គេម ។ មិនថានៅពេលដែលអ្នកលេងហ្គេមនោះទេ គឺអេក្រង់ទីពីរអាចមើលវីដេអូ ឬជជែកកម្សាន្តនៅ លើ Twitch បានថែមទៀតផងដោយអេក្រង់ទីពីរនេះជាអកេក្រង់ប៉ះទំហំ ៦ អ៊ីង 1080p ដែល អាចជំនួសទូរស័ព្ទស្មាតហ្វូនរបស់អ្នក និងបង្កើននូវបទពិសោធន៍លេងហ្គេមរបស់អ្នក ។ ជា ការពិតណាស់អ្នក លេងហ្គេមក៏អាចប្រើអេក្រង់ទីពីរនេះដើម្បីតាមដានមើលការបំពេញការ ងារជាក់ស្តែងនៃម៉ាស៊ីនរបស់ពួកគេផងដែរ ។
បន្ថែមពីលើអេក្រង់ពីរនេះ HP Omen X 2S ត្រូវបានគេកំណត់ថាជាអ្នកឈានមុខគេ ហើយវា គឺជាកុំព្យូទ័រយួរដៃលេងហ្គេមមួយផ្សេងទៀតដែលផលិតពីក្រុមហ៊ុន HP ដោយត្រូវបានបង្កើត ឡើងនៅលើគ្រឹះមួយដែលរួមបញ្ចូលនូវតួលោហៈ និងលោហៈធាតុរាវទប់កំដៅដែលត្រូវបាន អនុវត្តទៅស៊ីភីយូដើម្បីបង្កើនសមត្ថភាពលេងហ្គេម ។
កុំព្យូទ័រយួរដៃ Omen X 2s នេះក៏មានទាំងការបង្ហាញ 1080p (120Hz / 144Hz) ឬ 4K HDR (60Hz) ដែលមានសមត្ថភាព Nvidia G-Sync ។ វាដំណើរការដោយ CPU Intel Core-i9 ចុង ក្រោយបំផុត GPU Nvidia GeForce RTX 2080 Max-Q GPU RAM 32GB នៃ DDR4-3200Mhz RAM និងមានជម្រើសទំហំផ្ទុក Intel Optane ផងដែរ ។
ការធ្វើឱ្យទាន់សម័យនៃការរចនាថ្មីគួរឱ្យចាប់អារម្មណ៍ទៅនឹងម៉ាស៊ីនកុំព្យូទ័រនេះវាហាក់ដូចជាប្លង់ក្តារចុចមើលមានលក្ខណៈប្រហាក់ប្រហែលនិងផ្នែកខាងមុខដែលយើងបានឃើញនៅលើ កុំព្យូទ័រ Asus ROG Zephyrus S GX531 ដែរ ។ ការរចនានេះអនុញ្ញាតឱ្យមានកន្លែងសម្រាប់ ទំហំអេក្រង់ទីពីរនៅខាងលើក្តារចុចដែលត្រូវបានដាក់យ៉ាងល្អសម្រាប់មើលដំណើរការម៉ាស៊ីនក្នុងអំឡុងពេលលេងហ្គេម ។
ដូចជាកុំព្យូទ័រយួរដៃលេងហ្គេមជាច្រើនទៀតនៅលើទីផ្សារដែរម៉ាស៊ីនថ្មីនេះមានកម្រាស់ស្តើងត្រឹមតែ ២០ មិល្លីម៉ែត្រប៉ុណ្ណោះ ។ ក្រុមហ៊ុនក៏បាននិយាយផងដែរថាប្រព័ន្ធត្រជាក់ក៏ត្រូវបាន ពង្រឹងផងដែរជាមួយនឹងសមាសធាតុលោហៈធាតុរាវទប់កំដៅ Grizzly Conductonaut រួមជា មួយប្រព័ន្ធខ្យល់ត្រជាក់ ថ្មីដើម្បីរក្សាអ្វីៗឱ្យដំណើរការបានយ៉ាងរលូន ។
កុំព្យូទ័រ HP Omen X 2S ត្រូវបានគេរំពឹងថានឹងមានវត្តមាននៅខែមិថុនាតាមរយៈ HP.com និងមាននៅលើដៃអ្នក លក់រាយដទៃទៀតដែលមានតម្លៃចាប់ពី ២០៩៩.៩៩ ដុល្លារ ។ វាក៏មានជម្រើសកម្រិតច្បាស់ 240 Hz ដែលត្រូវបានគេរំពឹងថានឹងមាននៅខែកក្កដាខាងមុខ ៕
ចែករំលែកព័តមាននេះ