អ្នកបម្រើម្នាក់ត្រូវម្ចាស់ផ្ទះដាក់ទណ្ឌកម្មចាប់ចងហាលថ្ងៃ
តាមប្រភពពី Metro បានឱ្យដឹងថា ស្ត្រីម្នាក់ដែលធ្វើការឱ្យគ្រួសារអ្នកមានម្នាក់ នៅប្រទេសអារ៉ាប៊ីសាអ៊ូឌីត បានទទួលការដាក់ទណ្ឌកម្មដ៏អាម៉ាស់ ។ នាង Lovely Acosta…
តាមប្រភពពី Metro បានឱ្យដឹងថា ស្ត្រីម្នាក់ដែលធ្វើការឱ្យគ្រួសារអ្នកមានម្នាក់ នៅប្រទេសអារ៉ាប៊ីសាអ៊ូឌីត បានទទួលការដាក់ទណ្ឌកម្មដ៏អាម៉ាស់ ។ នាង Lovely Acosta Baruelo អាយុ២៦ឆ្នាំ ត្រូវបានគេចោទប្រកាន់ថា បានធ្វើឱ្យខឹងដល់និយោជករបស់នាងទុកគ្រឿងសង្ហារឹមដ៏ថ្លៃមួយនៅខាងក្រៅម្លប់ ក្នុងទីក្រុង Riyadh ។
មិត្តរួមការងារម្នាក់បានថតរូបនាង Lovely ខណៈពេលដែលនាងត្រូវបានចងដៃ និងជើងរបស់នាងទៅកាន់ដើមឈើ នៅក្នុងសួនច្បារគ្រួសារ កាលពីថ្ងៃទី៩ ខែឧសភា។ ក្នុងសប្តាហ៍នេះ នាងបាននិយាយថា នាងសង្ឃឹមថា អតីតចៅហ្វាយរបស់នាងនឹងរកឃើញកម្មផលរបស់ពួកគេសម្រាប់អ្វីៗទាំងអស់។
មិត្តម្នាក់បានសុំជំនួយ ហើយក្រសួងការបរទេសហ្វីលីពីនបានជួយឱ្យអ្នកបម្រើរូបនោះ ទៅប្រទេសកំណើតរបស់គាត់វិញ។ អ្នកនាំពាក្យរបស់ប្រទេសហ្វីលីពីនបាននិយាយថា៖«ក្រសួងការបរទេស (DFA) រាយការណ៍ថា កម្មករហ្វីលីពីននៅក្រៅប្រទេស (OFW) នាង Lovely Acosta Baruelo មកពីអារ៉ាប៊ីសាអូឌីត បានមកដល់ម៉ានីលនៅម៉ោង៨ និង៥៥នាទីល្ងាច នៅថ្ងៃទី៩ ខែឧសភា ឆ្នាំ២០១៩»។
គួរបញ្ជាក់ផងថា ប្រជាជនហ្វីលីពីនប្រមាណ ២.៣លាននាក់ធ្វើការនៅមជ្ឈឹមបូព៌ា និងអាហ្វ្រិក ហើយជាងពាក់កណ្តាលនៃពួកគេ គឺជាស្ត្រី។ មានពាក្យបណ្តឹងជាច្រើនថា ពួកគេត្រូវបានធ្វើបាបដោយនិយោជកថ្មីរបស់ពួកគេ ។
ចែករំលែកព័តមាននេះ