តាមប្រភពពី Shanghaiist បានឱ្យដឹងថា បុរសម្នាក់ជាឪពុកបានទៅចាក់សម្លាប់ក្មេងប្រុសជាសិស្សសាលាអាយុ១០ឆ្នាំម្នាក់ ដោយសារតែខឹងថា បានធ្វើបាបកូនស្រីរបស់ខ្លួនមិនឈប់ឈរ ។ កាល
ពីព្រឹកថ្ងៃសុក្រ បុរសវ័យ៤១ឆ្នាំត ្រកូល Wang បានចូលទៅក្នុងបឋមសិក្សាមួយនៅក្នុងក្រុង Jiangxi ខេត្ត Shangrao ហើយចាក់សម្លាប់ក្មេងប្រុសរៀនថ្នាក់ទី៣ ជាមួយនឹងកាំបិតចិត្តផ្លែឈើ។
ក្មេងប្រុសរងគ្រោះ មានត្រកូល Liu ត្រូវបានគេបញ្ជូនទៅកាន់មន្ទីរពេទ្យ ។ តែក្រោយមក ក៏ស្លាប់នៅទីនោះ។ លោក Wang ត្រូវបានគេចាប់ខ្លួន ហើយរកឃើញថា មូលហេតុនៃការចាក់សម្លាប់នេះ គឺមកពីគាត់ខឹងក្មេងប្រុសម្នាក់នោះ ដែលតែងតែមកធ្វើបាបកូនស្រីគាត់មិនឈប់សោះ ។
តាមការបែកធ្លាយសារឆ្លើយឆ្លងគ្នារវាងគ្រូៗនៅក្នុងសាលានោះ បានឱ្យដឹងថា តាមពិតទៅលោក Wang បានមកប្រាប់ក្មេងប្រុសម្នាក់នោះ ជាច្រើនដងហើយ។ ខាងសាលាបានរៀបចំឱ្យមានការប្រជុំរវាងគ្រួសារទាំងពីរ តែខាងប្រុសមិនបានមកទេ ដោយលើកហេតុផលមកថា ខ្លាចលោក Wang ធ្វើអ្វីឆ្កួតៗបង្កឱ្យមានគ្រោះថ្នាក់ ។
ខាងប្រុសក៏បានបន្តថា ពួកគាត់មិនបានដឹងអ្វីសោះឡើយថា កូនប្រុសដើរធ្វើបាបសិស្សដទៃ។ គួរបញ្ជាក់ផងដែរថា នាពេលនេះ នាយកសាលាត្រូវបានព្យួរការងារសិន ដើម្បីឱ្យប៉ូលិសធ្វើការស៊ើបអង្កេត ។
ចែករំលែកព័តមាននេះ