អតីតតារាសម្តែងនាង គង់ ច័ន្ទស្រីមុំ កាន់តែសម្ញែងនូវភាពសិចស៊ីយ៉ាងចាស់ដៃ បន្ទាប់នាងនិងស្វាមីបានទទួលបាននូវកូនស្រីដ៏ស្រស់ស្អាតមួយរូប ក្រោយជីវិតអាពាហ៍ពិពាហ៍ជាមួយលោក គឹម សីហា ដែលជាតារាសម្តែងដូចគ្នា។
នៅលើបណ្តាញសង្គមហ្វេសប៊ុកក្នុងរយៈពេលចុងក្រោយនេះ គង់ ច័ន្ទស្រីមុំ បានបង្ហាញនូវភាពសិចស៊ីតាមរយៈការស្លៀកឈុតប៊ីគីនីយ៉ាងអស់ដៃ បង្ហោះតាមគណនេយ្យហ្វេសប៊ុករបស់ខ្លួនជាបន្តបន្ទាប់។ ការបង្ហាញភាពដ៏សិចស៊ីពីតារារូបនេះ កន្លងមក គេមិនសូវជាបានឃើញនោះឡើយ ប៉ុន្តែបន្ទាប់ពីនាងបានកសាងគ្រួសារជាមួយនឹងចំណងដៃកូនស្រីម្នាក់នោះ គង់ ច័ន្ទស្រីមុំ ត្រូបានគេមើលឃើញថា នាងបានចាប់ផ្តើមបង្ហាញនូវភាពសិចស៊ីដោយមិនញញើតដៃនោះឡើយ។
ភាពសិចស៊ីរបស់នាងនាពេលនេះ ទំនងជាចង់បង្ហាញដល់មហាជនថា នាងបានថែរក្សានូវរូបសម្រស់ និងដងខ្លួននៅស្រស់ស្អាតដដែល បើទោះបីជាពេលនេះ នាងមានស្វាមី និងមានកូនហើយក៏ដោយ។ ម្យ៉ាងទៀតក្នុងនាមជាម្ចាស់ហាងលក់ផលិតផលថែរក្សាសម្រស់ដ៏ល្បីផងនោះ នាងអាចនឹងមានចេតនាបង្ហាញនូវរូបភាពបែបនេះ ដើម្បីឲ្យអតិថិជនរបស់នាងកាន់តែមានទំនុកចិត្តច្រើនមកលើផលិតផលដែលនាងបានលក់។
យ៉ាងណាក៏ដោយ ការបង្ហាញនូវរូបភាពសិចស៊ីដ៏ស្រស់ស្អាតរបស់ គង់ ច័ន្ទស្រីមុំ ជាសាធារណៈនាពេលនេះអាចនឹងមានប្រតិកម្មណាមួយពីស្វាមីរបស់នាង ឬយ៉ាងណានោះឡើយ ខណៈពេលដែលនាងបានត្រឹមតែពោលពាក្យដោយខ្លីថា «អ្វីដែលជាក្តីសុខក៏ធ្វើវាឱ្យហើយទៅ…. កុំទៅខ្វល់ពីសំដីរបស់អ្នកដទៃ»។
ជាការកត់សម្គាល់រូបភាពសិចស៊ីរបស់នាង គង់ ច័ន្ទស្រីមុំ នាពេលនេះបានទទួលការចាប់អារម្មណ៍យ៉ាងខ្លាំងផងដែរពីមហាជន ជាពិសេសបណ្តាអ្នកលេងហ្វេសប៊ុកក្នុងពេលដែលនាងនៅតែអាចរក្សារូបរាងដ៏ស្រស់ស្អាតរបស់នាងឲ្យនៅដដែល។
តារាសម្ដែង នាង គង់ ច័ន្ទស្រីមុំ និងលោក គឹម សីហា បានសម្រេចចូលរោងការកាលពីថ្ងៃទី១៤ ខែមីនា ឆ្នាំ២០១៦ បន្ទាប់ពីអ្នកទាំងពីរបានស្វែងយល់ចិត្តគ្នាប្រមាណជិត១០ឆ្នាំ ដោយរស់នៅក្រោមដំបូលផ្ទះតែមួយ ខណៈពេលបច្ចុប្បន្នពួកគេទទួលបានចំណងដៃកូនស្រីម្នាក់រួចហើយ៕
ចែករំលែកព័តមាននេះ