រាជធានីភ្នំពេញ ៖ ពិតជាកក្រើកទៀតហើយ សម្រាប់សង្វៀនទូរទស្សន៍ស៊ីអិនស៊ីនៅពេលមានការប្រកាសថា កីឡាករកម្ពុជារឿង សោភ័ណ្ឌ ជើងខ្លាំងប្រចាំក្លិបមកុដរាជសីហ៍ ត្រូវបានគេផ្ដល់ឱកាសឱ្យប្រកួតសងសឹកជាមួយកីឡាករថៃ ឌីសែល ឡេក…
រាជធានីភ្នំពេញ ៖ ពិតជាកក្រើកទៀតហើយ សម្រាប់សង្វៀនទូរទស្សន៍ស៊ីអិនស៊ីនៅពេលមានការប្រកាសថា កីឡាករកម្ពុជារឿង សោភ័ណ្ឌ ជើងខ្លាំងប្រចាំក្លិបមកុដរាជសីហ៍ ត្រូវបានគេផ្ដល់ឱកាសឱ្យប្រកួតសងសឹកជាមួយកីឡាករថៃ ឌីសែល ឡេក ឧត្តមមឿន ដែលធ្លាប់ឈ្នះ ពិន្ទុគេម្ដងកាលពីឆ្នាំ២០១៨ ដើម្បីឱ្យជើងខ្លាំង កម្ពុជារូបនេះបានអស់ចិត្ត ។
ការប្រកួតសងសឹករវាងកីឡាករជើងខ្លាំងទាំង២ដែលនឹងត្រូវធ្វើឡើងនៅរសៀលថ្ងៃអាទិត្យ ទី១៩ ឆ្នាំ២០១៩ ស្អែកនេះហើយ ដែលត្រូវបានអ្នកនិយមតាមដានការប្រកួតភាគច្រើននិយាយថា រឿង សោភ័ណ្ឌ
មិនអាចសងសឹកកីឡាករថៃម្នាក់នេះបានទេ ដោយសារបើមើលលើកម្ពស់ វិជ្ជាគុន រាប់តាំងពីកណ្ដាប់ដៃវាយចេញឡើងទៅឃើញថា រឿង សោភ័ណ្ឌ ចាញ់ប្រៀបស្ទើរទាំងស្រុង ។ ទោះបី យ៉ាងណា រឿង សោភ័ណ្ឌ បានបន្លុយពាក្យតប ទៅនឹងការយល់ឃើញនេះថា មិនឱ្យអ្នកគាំទ្រ គេខកចិត្តទេ ព្រោះមួយរយៈមកនេះ គេខិតខំប្រឹងប្រែងហ្វឹកហាត់ខ្លាំងណាស់ ដើម្បីយកឈ្នះ កីឡាករថៃឌីសែលឡេក ឱ្យទាល់តែបាន។
នៅលើសង្វៀនដដែល កីឡាករកម្ពុជា ពុយ វណ្ណៈ ត្រូវបានគេផ្គូផ្គងឱ្យជួបប្រកួតជាមួយកីឡាករថៃឈ្មោះ យ៉តធួនថង ប្រានសងហុក ក្នុងថានៈជាគូរងឯកអន្តរជាតិ ។ កីឡាករថៃម្នាក់នេះក៏ធ្លាប់មកប្រកួតនៅស្រុកខ្មែរជាច្រើនលើករួចមកហើយដែរប៉ុន្តែពួកគេទាំងពីរមិនធ្លាប់ជួបប្រកួតគ្នាទេ ។ គូនេះត្រូវបានគេព្យាករថានឹងល្អមើលមិនចាញ់គូសងសឹកនោះទេ ដោយសារតែពួកគេទាំងពីរសុទ្ធតែជាអ្នកប្រដាល់ធ្លាប់មានបទពិសោធន៍ប្រកួតនៅលើសង្វៀនជោកជាំដូចគ្នានិងមានទម្លាប់ មិនវាយលាក់ដៃស្រាប់ ។ គ្រាន់តែគេអាចទាយដឹងមុនថា អ្នកណាអាចសម្រេចគោលដៅក្លាយជាអធិរាជនៅលើសង្វៀនសម្រាប់ការប្រកួតលើកនេះប៉ុណ្ណោះ។
ចំណែកគូប្រកួតមិត្តភាពធម្មតាវិញ កីឡាករ តាំង តាក់ មកពីក្លិបរស្មីភូមិគាបខេត្ត បន្ទាយមានជ័យ ត្រូវប្រកួតជាមួយកីឡាករ អេលីត កែវឡុង មកពីក្លិបឆ្មាសសែនសុខគុនខ្មែរ ។
កីឡាករ ពុយ ឈិន មកពីក្លិបឃ្លាំងមឿងកីឡាប្រកួតជាមួយកីឡាករ ខេន ខ្នឹង មកពីក្លិបគុហារព្រហ្មជ័យ ខេត្តសៀមរាប និងគូចុងក្រោយ កីឡាករឈុត ប្រាក់កាក់ មកពីក្លិបតាឯកដំបងដែកខេត្តព្រៃវែង ប្រកួតជាមួយកីឡាករ ឡុង អាឆើត មកពីក្លិបខ្លារខិនមានរិទ្ធ ៕
ចែករំលែកព័តមាននេះ