សហរដ្ឋអាមេរិក-ចិន ៖ យោងតាមទីភ្នាក់ងារព័ត៌មានអាមេរិកBLOOMBERGថា ភាពល្អក់កករខ្លាំងនៃទំនាក់ទំនង រវាងសហរដ្ឋអាមេរិកនិងចិន អាចជម្រុញឲ្យក្រុងប៉េកាំងកាត់បន្ថយវិនិយោគរបស់ខ្លួន ក្នុងបំណុលអាមេរិក។
BLOOMBERGនិយាយថា អាជ្ញាធរចិនអាចកាត់បន្ថយការវិនិយោគរបស់ខ្លួន ក្នុងបំណុលអាមេរិក ដែលអាចវាយប្រហារធ្ងន់ធ្ងរលើប្រាក់ដុល្លារ ដែលពុំមែនជាការសងសឹកចំពោះសហរដ្ឋអាមេរិកទេ តែដើម្បីការពាររូបិយវត្ថុជាតិរបស់ខ្លួន ខណៈសង្គ្រាមពាណិជ្ជកម្មរវាងក្រុងវ៉ាស៊ិនតោននិងក្រុងប៉េកាំងកំពុងមានការកើនឡើង។
មានពាក្យចចាមអារ៉ាមនានាដែលថា ប័ណ្ណរតនាគារអាមេរិក អាចដើរតូនាទីជាអាវុធមួយ ក្នុងសង្គ្រាមពាណិជ្ជកម្ម រវាងអាមេរិកនិងចិន។ ពាក្យចចាមអារ៉ាមទាំងនោះលេចចេញក្រោយការចេញផ្សាយសារ របស់អ្នកកាសែតចិនម្នាក់តាមTWITTER។ យោងតាមអ្នកកាសែតរូបនោះថា ពួកអ្នកជំនាញការរបស់ប្រទេសគេ បានសិក្សាលើសេណារីយ៉ូនេះ ចាប់តាំងពីការចរចារវាងអាមេរិកនិងចិនស្ថិតក្នុងភាពទ័លច្រកមក។
BLOOMBERGធ្វើការកត់សម្គាល់ថា ជារឿយៗគេចាត់ទុក សេណារីយ៉ូដែលថាចិនអាចដកប្រាក់១.១០០ពាន់លានដុល្លារពីប័ណ្ណរតនាគារអាមេរិក ជាប្រតិកម្មចំពោះការដំឡើងពន្ធគយរបស់អាមេរិកថា ពុំប្រាកដនិយម។ គេចាត់ទុកថានោះជាវិធានការជ្រុលហួសហេតុ ដែលនឹងបំផ្លាញសេដ្ឋកិច្ចចិន ជាងការបំផ្លាញសេដ្ឋកិច្ចអាមេរិក។
ទោះបីយ៉ាងណាក្នុងខែឧសភានេះ ប្រាក់យន់ចិនបានធ្លាក់ថ្លៃ២,៦% គឺប្រមាណជា៦,៩២យន់ក្នុង១ដុល្លារ ដែលនោះជាអត្រាដ៏ទាបបំផុតមួយចាប់តាំងពីខែធ្នូឆ្នាំ២០១៨មក។ យោងតាមពួកអ្នកជំនាញការរបស់BLOOMBERGថា វាមិនប្រាកដដែលចិន ព្រមឲ្យប្រាក់យន់របស់ខ្លួនធ្លាក់ថ្លៃខ្លាំងនិងមិនអាចត្រួតត្រាបាន ដែលអាចឲ្យមានការបែកធ្លាយនៃមូលធន ហើយជម្រុញការដាំក្បាលចុះនៃប្រាក់យន់ចិន។
ចិនជាម្ចាស់បំណុលសំខាន់របស់សហរដ្ឋអាមេរិក ធ្លាប់បានលក់រួចហើយនូវភាគហ៊ុនរបស់ខ្លួន ដើម្បីជួយទ្រទ្រង់ដល់តម្លៃរូបិយវត្ថុជាតិ។ កាលពីឆ្នាំ២០១៦ ពេលប្រាក់យន់ចិនធ្លាក់ថ្លៃដល់៧% ក្រុងប៉េកាំងបានកាត់បន្ថយប្រាក់កម្ចីរបស់ខ្លួនប្រមាណជា១៥% ដោយលក់ប័ណ្ណរតនាគារមានទឹកប្រាក់១៨៨ពាន់លានដុល្លារ៕
ចែករំលែកព័តមាននេះ