អ្នកជំនាញថែរក្សាស្បែកនិយាយថា អ្នកខ្លះចោទហ្សែនរបស់ពួកគេថាធ្វើឲ្យរន្ធញើសនៅលើស្បែកមុខរីកធំ ដែលជាហេតុនាំឲ្យពួកគេបន្តផូសរឿងនេះ ច្រើនៗក្នុងបណ្តាញសង្គមដើម្បីកាត់សាញ ។ ពិតណាស់ក្រៅពីហ្សែន វាក៏មានរឿងជាច្រើនផ្សេងទៀតដែលអាចធ្វើឲ្យរន្ធញើសនៅស្បែករីកធំដែរ ហើយខ្លះវាបង្កឡើងដោយទម្លាប់ប្រចាំថ្ងៃរបស់អ្នក ទាំងអ្នកខ្លួនឯងក៏មិនបានដឹងផង ។…
អ្នកជំនាញថែរក្សាស្បែកនិយាយថា អ្នកខ្លះចោទហ្សែនរបស់ពួកគេថាធ្វើឲ្យរន្ធញើសនៅលើស្បែកមុខរីកធំ ដែលជាហេតុនាំឲ្យពួកគេបន្តផូសរឿងនេះ ច្រើនៗក្នុងបណ្តាញសង្គមដើម្បីកាត់សាញ ។ ពិតណាស់ក្រៅពីហ្សែន វាក៏មានរឿងជាច្រើនផ្សេងទៀតដែលអាចធ្វើឲ្យរន្ធញើសនៅស្បែករីកធំដែរ ហើយខ្លះវាបង្កឡើងដោយទម្លាប់ប្រចាំថ្ងៃរបស់អ្នក ទាំងអ្នកខ្លួនឯងក៏មិនបានដឹងផង ។ តើទម្លាប់អាក្រក់ទាំងនោះមានអ្វីខ្លះទៅ ?
១-មិនបានប្រើផលិតផលលាងសម្អាតស្បែកដែលត្រឹមត្រូវ ៖ ការដែលស្បែកមានជាតិប្រេងច្រើន នោះអាចនឹងធ្វើឲ្យរន្ធញើសលើស្បែករីកធំ ហើយវាក៏ជាសុបិនអាក្រក់សម្រាប់សុខភាពសម្រស់របស់ពួកគេផងដែរ ។ ប៉ុន្តែកុំបារម្ភអីបើសិនជាស្បែកមានជាតិប្រេងច្រើនបែបនេះ ចូរប្រាកថា អ្នកបានប្រើប្រាស់ផលិតផលសម្អាតមុខដែលត្រូវនឹងស្បែកអ្នកផង ។ នៅចន្លោះពេលសម្អាតមុខ អ្នកអាចបំបាត់ការចេញជាតិប្រេងតាមរយៈការប្រើក្រដាសពិសេសសម្រាប់ផ្តិតស្បែកបាន ។
២-កំពុងតែញ៉ាំអាហារខុស ៖ របបអាហារដែលមានជាតិផ្អែម និងកាបូអ៊ីដ្រាតខ្ពស់ អាចធ្វើឲ្យស្បែកភ្លឺរលោងបានដោយសារតែអតុល្យភាពអ័៊រម៉ូន។ ប៉ុន្តែវាអាចបង្កជាបញ្ហាវិញបើសិនជាអ្នកញ៉ាំអាហារកៃច្នៃច្រើនពេក ។ ដូច្នេះដើម្បីលុបបំបាត់ការចេញជាតិប្រេងលើស្បែកច្រើន និងរន្ធញើសរីកធំ ចូរប្រាកដថា អ្នកបានបញ្ចូលបន្លែ និងផ្លែឈើស្រស់ៗក្នុងរបបអាហារទទួលទានជាប្រចាំ ។
៣-មិនបានធ្វើការជម្រះកោសិកាស្បែកងាប់ៗជាប្រចាំ ៖ បញ្ហាសម្រស់លើអ្នកដែលមានស្បែកចេញជាតិប្រេងច្រើននោះគឺវត្តមានមុនក្បាលខ្មៅច្រើន។ តាមពិតទៅរឿងនេះមិនធ្វើឲ្យរន្ធញើសរីកធំទេ តែវាអាចធ្វើឲ្យយើងមើលឃើញរន្ធញើសច្បាស់ៗ ហើយច្រើនទៀតផង ។ ដើម្បីបំបាត់មុនក្បាលខ្មៅនេះ យកល្អគួរតែធ្វើការជម្រះកោសិកាស្បែក ងាប់ៗជាប្រចាំ ដើម្បីបំបាត់ភាពស្ទះរបស់រន្ធញើសផង ។
៤-មិនបានលាបក្រែមផ្តល់សំណើមឡើងវិញជាប្រចាំ ៖ ដោយសារតែអ្នកមានស្បែកដែលចេញជាតិប្រេងច្រើនមិនមែនមានន័យថា អ្នកអាចផ្អាកការលាបក្រែមផ្តល់សំណើមជាប្រចាំនោះទេ ។ ជាតិប្រេងមិនមែនទឹកឡើយ ដូច្នេះវាមិនអាចជួយបង្គ្រប់ជាតិទឹកដល់កោសិកាស្បែកបានឡើយ។ ទោះបីជាស្បែកដែលមានប្រេងហើយក៏ងាយនឹងស្ងួតដែរ ហើយក៏ធ្វើឲ្យរន្ធញើសមើលទៅរីកធំៗទៀតផង ។ ដូច្នេះចូរទិញក្រែមផ្តល់សំណើមដើម្បីលាបជាប្រចាំផងទោះបីជាស្បែកអ្នកមានជាតិប្រេងហើយក៏ដោយ ។
៥-ប៉ះពាល់នឹងពន្លឺព្រះអាទិត្យច្រើនពេក ៖ ការដែលទទួលបានវីតាមីន D ច្រើនអាចជួយថែរក្សាឆ្អឹង និងធ្មេញរឹងមាំ ហើយដើម្បីទទួលបានវា វិធីសាស្ត្រដ៏ល្អបំផុតគឺបណ្តោយឲ្យស្បែកប៉ះពាល់នឹងពន្លឺព្រះអាទិត្យ ។ ប៉ុន្តែការដែលធ្វើបែបនេះច្រើនពេក ជាពិសេសនៅចន្លោះម៉ោង១០ព្រឹកដល់ម៉ោង៤រសៀល អាចជាវិធីបំផ្លាញស្បែកទៅវិញទេ ហើយវាក៏ជារឿងមួយដែលនាំឲ្យរន្ធញើសរីកធំៗផងដែរ ។
ដូច្នេះបើសិនជាមិនអាចចៀសបាន ចូរគិតគូរប្រើប្រាស់ឡេការពារកម្តៅព្រះអាទិត្យដែលមាន SPF កុំឲ្យតិចជាង ៣០ឲ្យសោះ ហើយចូរលាបវាមុនចេញទៅខាងក្រៅរយៈពេល៣០នាទី៕ (ប្រភពពី៖ Health.com.kh)
ចែករំលែកព័តមាននេះ