ខេត្តតាកែវ ៖ អតីតមន្ត្រីបម្រើការងាររាជការចូលនិវត្តន៍២នាក់ប្តី-ប្រពន្ធ ដែលខំបម្រើការងារជិតមួយជីវិតមកហើយ បានលើកដៃសំពះទាំងទឹកភ្នែកសុំឲ្យសម្តេចតេជោ ហ៊ុន សែន ជួយរកយុត្តិធម៌ ក្រោយរូបគាត់អស់លទ្ធភាពការពារដីផ្ទះសម្បែងរបស់ខ្លួន បន្ទាប់ពីអាជ្ញាធរសម្រេចកាត់យកដីរបស់គាត់…
ខេត្តតាកែវ ៖ អតីតមន្ត្រីបម្រើការងាររាជការចូលនិវត្តន៍២នាក់ប្តី-ប្រពន្ធ ដែលខំបម្រើការងារជិតមួយជីវិតមកហើយ បានលើកដៃសំពះទាំងទឹកភ្នែកសុំឲ្យសម្តេចតេជោ ហ៊ុន សែន ជួយរកយុត្តិធម៌ ក្រោយរូបគាត់អស់លទ្ធភាពការពារដីផ្ទះសម្បែងរបស់ខ្លួន បន្ទាប់ពីអាជ្ញាធរសម្រេចកាត់យកដីរបស់គាត់ ដើម្បីបើកផ្លូវឲ្យគ្រប់៥ម៉ែត្រ តបតាមការស្នើសុំរបស់ប្រជាពលរដ្ឋជាង១០០គ្រួសារ ដែលរស់នៅខាងក្រោយ ដោយមិនមានជាសំណងអ្វីដល់ពួកគាត់ឡើយ បើទោះបីជាមានផលដំណាំរបស់គាត់ ដែលដាំនៅជាប់របងផ្ទះ មានអាយុកាល មិនក្រោមជាង២០ឆ្នាំក៏ដោយ ។
ដំណាំនោះរ ួមមាន ដើមត្នោត ដើមដូងជាច្រើនដើម ដាំជាជួរដែលនិងត្រូវកាប់គាស់រំលើងចោល ព្រោះតែការសុំពង្រីកផ្លូវរបស់ពលរដ្ឋរស់នៅខាងក្រោយ ។ ជាងនេះទៅទៀតរបងផ្ទះដែលគាត់បានសាងសងអស់ប្រាក់រាប់លានរៀលត្រូវបំផ្លាញចោលអស់ដោយគ្មានសំណងអ្វីពីអាជ្ញាធរ ។
ទាំង២នាក់ប្តីប្រពន្ធ រស់នៅភូមិព្រៃស្រោង ឃុំអង្គតាសោម ស្រុកត្រាំកក់ ខេត្តតាកែវ ដែលជាអតីតមន្ត្រីរាជការបម្រើការងាររដ្ឋសឹងតែមួយជីវិត បាននិយាយរៀបរាប់ប្រាប់ក្រុមអ្នកសារពត័មានទាំងខ្លួនកំពុងបៀមទឹកភ្នែក កាលពីថ្ងៃទី១៥ ឧសភា នេះថា ឱ្យពួកគាត់រំពឹងអ្វីទៀត បើគាត់ខំបម្រើការងារជូនរាជការជិតមួយជីវិតទៅហើយ ប៉ុន្តែគ្មានលទ្ធភាពក្នុងការតតាំងនិងការពារដីធ្លីផ្ទះសំបែងរបស់គាត់ដែលត្រូវបានអាជ្ញាធរសម្រេចឲ្យទៅមតិភាគច្រើន ដែលមានជាង១០០គ្រួសារឈ្នះក្តី ក្នុងការប្តឹងផ្តល់សុំបើកផ្លូវ៥ម៉ែត្រឲ្យខានតែបានលើផ្លូវចាស់២,៥ម៉ែត្រដែលគាត់បានបរិច្ឆាគហើយនោះ។
វាយុត្តិធម៌សម្រាប់ប្រជាពលរដ្ឋជាង១០០គ្រូសារ ប៉ុន្តែវាអយុត្តិធម៌សម្រាប់មួយគ្រួសារគាត់ ដែលត្រូវបាត់បង់ដីជាច្រើនម៉ែត្រ ដែលខំការពារតាំងពីយូរណាស់មកហើយ ។
សូមបញ្ជាក់ផងដែរថា ការមានទំនាស់ដីធ្លីចំពោះពលរដ្ឋនិងគ្រួសាររបស់គាត់ គឺមានជាយូរឆ្នាំណាស់មកហើយ លើបញ្ហាសុំបើកផ្លូវលើផ្លូវចាស់ដែលមានស្រាប់ដែលជាផ្លូវភ្លឺស្រែតែប៉ុណ្ណោះ រហូតកើតក្តីក្តាំងតវ៉ាគ្នាតាំងពីឆ្នាំ២០០០មកម្ល៉េះ ។
ចែករំលែកព័តមាននេះ