លោក ចាស្ទីន ប៊ីប៊័រ តារាចម្រៀងជនជាតិកាណាដា នៅតែបំភ្លេចនាងសេឡេណា ហ្គោម៉េស អតីតគូស្នេហ៍មិនបាន ដោយពួកគេនៅលួចទាក់ទងគ្នារហូត បញ្ហានេះធ្វើឲ្យប្រពន្ធជាតារាម៉ូដរបស់ប៊ីប៊័រ ទទួលយកមិនបាន…
លោក ចាស្ទីន ប៊ីប៊័រ តារាចម្រៀងជនជាតិកាណាដា នៅតែបំភ្លេចនាងសេឡេណា ហ្គោម៉េស អតីតគូស្នេហ៍មិនបាន ដោយពួកគេនៅលួចទាក់ទងគ្នារហូត បញ្ហានេះធ្វើឲ្យប្រពន្ធជាតារាម៉ូដរបស់ប៊ីប៊័រ ទទួលយកមិនបាន បង្កឲ្យជីវិតអាពាហ៍ពិពាហ៍មានភាពរកាំរកូស ។
លោក ប៊ីប៊័រ និងហ្គោម៉េស នៅមានសម្ព័ន្ធភាពនឹងគ្នាយ៉ាងជ្រាលជ្រៅ ។ ចុងក្រោយនេះពួកគេនៅស្និទ្ធស្នាលគ្នា ទោះបីជា ប៊ីប៊័រ បានរៀបការជាមួយនាង បលវីន ក៏ដោយ ។ កាលពីថ្ងៃទី៨ ឧសភា ២០១៩ តារាចម្រៀង ប៊ីប៊័រ បានបង្ហាញអាការតប់ប្រមល់ ខណៈពេលកំពុងដើរកម្សាន្តជាមួយនាងបលវីននៅក្រុងញូវយ៉ក សហរដ្ឋអាមេរិក ។
មនុស្សជំនិតនឹងនាងហ្គោម៉េសបានឲ្យដឹងថា ចាស្ទីន និង សេឡេណា នៅតែតែទាក់ទងគ្នា ខណៈពេលកន្លងមកពួកគេទាំង២ធ្លាប់មានរឿងជូរចត់ដូចគ្នា និងពេលនេះនៅមានភាពដូចកាលពីមុន ។
បលវីន ឬប្រើឈ្មោះហេលី រ៉ូត ប៊ីប៊័របានចូលរួមក្នុងពិធីបង្ហាញម៉ូដ«មេត ហ្គាឡា» នៅក្រុងញូវយ៉កកាលពីសប្ដាហ៍មុនដោយគ្មានប្ដីចូលរួម ចំណែកហ្គោម៉េស ក៏មិនចូលរួមក្នុងពិធីនេះដែរ ៕
ចែករំលែកព័តមាននេះ