នែអានន្ទ! បានមិត្តល្អដូចបានសិរីសួស្តីដ៏ប្រសើរ
ព្រះបរមសាស្តាត្រាស់ទៅកាន់ព្រះអានន្ទថា ម្នាលអានន្ទ គុណជាតិឯណា គឺការមានមិត្តល្អ មានសម្លាញ់ល្អ និងការមានក្លើល្អ គុណជាតិនោះចាត់ថាជាសុចរិតធម៌ទាំងមូល ។ នែ! អានន្ទ…
ព្រះបរមសាស្តាត្រាស់ទៅកាន់ព្រះអានន្ទថា ម្នាលអានន្ទ គុណជាតិឯណា គឺការមានមិត្តល្អ មានសម្លាញ់ល្អ និងការមានក្លើល្អ គុណជាតិនោះចាត់ថាជាសុចរិតធម៌ទាំងមូល ។
នែ! អានន្ទ សុចរិតធម៌នេះឯងប្រាកដដល់ភិក្ខុមានមិត្តល្អ មានសម្លាញ់ល្អ មានក្លើល្អ នឹងចម្រើននូវប្រយោជន៍ដ៏ប្រសើរ និងធ្វើឲ្យចម្រើននូវសិរីសួស្តីដ៏ដ៏ក្រៃលែងយ៉ាងនេះឯង ។
តាមធម្មតាកល្យាណមិត្តជាអ្នកដល់ព្រមដោយ សទ្ធា សីល សុតៈ ចាគៈ វិរិយៈ សតិ សមាធិ និងបញ្ញា រមែងបបួលឱ្យប្រព្រឹត្តក្នុងវត្ថុដែលមានប្រយោជន៍តែម្យ៉ាង ។
នៅក្នុងមង្គលសូត្រព្រះដ៏មានបុណ្យត្រាស់ទុកមកថា ភិក្ខុណាជាអ្នកធ្វើខ្លួនឲ្យជាទីស្រឡាញ់ គួរគោរព គួរសរសើរ ឧស្សាហ៍ប្រៀនប្រដៅ អត់ធន់ចំពោះពាក្យសម្ដី ជាអ្នកនិយាយពាក្យជ្រាលជ្រៅ ទាំងមិនដឹកនាំក្នុងហេតុដែលមិនគួរ ភិក្ខុនោះនឹងបានជាសម្លាញ់ដ៏ប្រសើរនៃអ្នកផងទាំងពួង និងបានជាស្រែបុណ្យនៃមនុស្សទូទៅ ។
ចែករំលែកព័តមាននេះ