រាជធានីភ្នំពេញ ៖ តារាកំប្លែងមុខចម្លែកនាយ ចយ កំពុងរង់ចាំការចាប់កំណើតកូនប្រុសលើកដំបូងរបស់ខ្លួនយ៉ាង អន្ទះសារនៅក្នុងជីវិតអាពាហ៍ពិពាហ៍របស់ខ្លួន។ រហូតមកដល់ពេលនេះភរិយានាយ ចយ កំពុងពពោះកូនប្រុសនៅក្នុងផ្ទៃប្រមាណជា៥ខែហើយ។ ភរិយារបស់នាយកំពុងថែរក្សាសុខភាពកូននៅក្នុងផ្ទៃយ៉ាងយកចិត្តទុកដាក់បំផុត។…
រាជធានីភ្នំពេញ ៖ តារាកំប្លែងមុខចម្លែកនាយ ចយ កំពុងរង់ចាំការចាប់កំណើតកូនប្រុសលើកដំបូងរបស់ខ្លួនយ៉ាង អន្ទះសារនៅក្នុងជីវិតអាពាហ៍ពិពាហ៍របស់ខ្លួន។ រហូតមកដល់ពេលនេះភរិយានាយ ចយ កំពុងពពោះកូនប្រុសនៅក្នុងផ្ទៃប្រមាណជា៥ខែហើយ។
ភរិយារបស់នាយកំពុងថែរក្សាសុខភាពកូននៅក្នុងផ្ទៃយ៉ាងយកចិត្តទុកដាក់បំផុត។ ភរិយានាយ ចយ បានអះះអាងថា ចាប់តាំងពីមានផ្ទៃពោះមកស្វាមីរបស់ខ្លួនញញឹមបិទមាត់មិនជិតឡើយ ។ នាងបញ្ជាក់ថា ក្នុងពេលដែលកាន់តែកៀកដល់ថ្ងៃសម្រាលនាយ ចយ រឹតតែអន្ទះសារចង់ឃើញមុខកូនប្រុសលើកដំបូង ដែលនឹងចាប់កំណើតឃើញពន្លឺថ្ងៃ។
តំណក់ឈាមលើកដំបូងរបស់នាយ ចយ និងភរិយានាពេលនេះក៏បានទទួលការអបអរសាទរយ៉ាងខ្លាំងផងដែរ ពីសំណាក់ប្រិយមិត្តគាំទ្រ និងអ្នកសិល្បៈដូចគ្នា។
ចំណងដៃកូនប្រុសនាយពេលនេះ គឺជាការរឹតចំណងអាពាហ៍ពិពាហ៍របស់នាយ ចយ និងភរិយា កាន់តែមានភាពផ្អែមល្ហែម និងកាន់តែរឹងមាំថែមមួយកម្រិតទៀត។
គួររំលឹកថា តារាកំប្លែងលោក ភិច សែ ហៅនាយ ចយ បានសម្រេចរៀបការជាមួយនាង ប៉ិប ក្វាន់ឌី ជាកូនអ្នកខេត្តពោធិ៍សាត់ មានការងារជាជាងសម្អាងការ កាលពីថ្ងៃទី២៧ ខែមករា ឆ្នាំ ២០១៨ ៕
ចែករំលែកព័តមាននេះ