រាជធានីភ្នំពេញ ៖ នាយករដ្ឋមន្ត្រីនេប៉ាល់ បញ្ជាក់ថា នេប៉ាល់នឹងយកបទពិសោធន៍ពីកម្ពុជាដើម្បីធ្វើការអភិវឌ្ឍប្រទេស ដូចជាវិស័យសេដ្ឋកិច្ច នយោបាយ សង្គមជាដើម។ ការលើករបស់លោក ខេ ភី សាម៉ា អូលី (The Rt. Hon’ble K. P. Sharma Oli) នាយករដ្ឋមន្ត្រីនៃប្រទេសនេប៉ាល់បានលើកឡើងថា នេះជាដំណើរទស្សនៈកិច្ចលើកដំបូងនៅកម្ពុជា ក្នុងអាណត្តិជារាជរដ្ឋាភិបាលនេប៉ាល់ ក្នុងជំនួបពិភាក្សាជាមួយសម្តេច ហេង សំរិន ប្រធានរដ្ឋសភា នាព្រឹកថ្ងៃទី១៤ ខែឧសភា ឆ្នាំ២០១៩ នៅវិមានរដ្ឋសភា។
លោក កែវ ពិសិដ្ឋ នាយកខុទ្ទកាល័យសម្តេច ហេង សំរិន បានប្រាប់អ្នកសារព័ត៌មានក្រោយជំនួបថា ក្នុងជំនួបពិភាក្សាជាមួយលោកនាយករដ្ឋមន្ត្រីនេប៉ាល់ បានវាយតម្លៃខ្ពស់ចំពោះការអភិវឌ្ឍន៍ទាំងសេដ្ឋកិច្ច សង្គមនៅប្រទេសកម្ពុជាយ៉ាង ឆាប់រហ័ស ហើយជីវភាពរបស់ប្រជាជនកម្ពុជាមានភាពកាន់តែល្អប្រសើរ។
លោកបានគូសបញ្ជាក់ថា ដំណើរទស្សនៈកិច្ចនេះដើម្បីរឹតចំណង និងលើកកម្ពស់ទំនាក់ទំនងមិត្តភាពក៏ដួច ជា កិច្ចសហប្រតិបត្តិការទ្វេភាគីកម្ពុជា និងនេប៉ាល់។ លោកបញ្ជាក់ថា «អ្វីដែលសំខាន់នោះ គឺជំរុញទំនាក់ទំនង មិត្តភាព នៃប្រទេសទាំងពីរ ទាំងរយៈបង្កើតសមាគមមិត្តភាពក៏ដូចជាក្រុមធុរៈកិច្ច និងក្រុមទេសចរណ៍ជាដើម»។
លោកនាយករដ្ឋមន្ត្រីក៏បានលើកឡើងទៀតថា នេប៉ាល់ក៏បានបង្កើតសមាគមនេប៉ាល់ជាមួយកម្ពុជាផងដែរ ។ ទាំងនេះនឹងនាំមកនូវការពង្រឹងទំនាក់ទំនងកិច្ចសហប្រតិបត្តិការឲ្យកាន់តែខ្លាំងក្លារបន្ថែមទៀត។ ជាមួយគ្នានោះដែរ លោកនាយករដ្ឋមន្ត្រីក៏បានរំលឹកពីទស្សនៈកិច្ចរបស់សម្តេចតេជោ ហ៊ុន សែន ទៅប្រទេសនេប៉ាល់កាលពីកន្លងមកនេះក៏ចុះកិច្ចព្រមព្រៀងមួយចំនួនដែលជំរុញឲ្យមានកិច្ចសហប្រតិ បត្តិការលើវិស័យការទូត នយោបាយ ពាណិជ្ជកម្ម និងការផ្លាស់ប្តូរវប្បធម៌ជាដើម។
លោកនាយករដ្ឋមន្ត្រីក៏អះអាងថា នេប៉ាល់នឹងដកស្រង់បទពិសោធន៍ពីកម្ពុជា ដើម្បីធ្វើការជំរុញ និងអភិវឌ្ឍន៍សេដ្ឋកិច្ចនេប៉ាល់ តាមរយៈការផ្លាស់ប្តូរបទពិសោធន៍គ្នាទៅវិញមក។ ក្នុងជំនួបនោះដែរ សម្តេច ហេង សំរិន ប្រធានរដ្ឋសភាបានសម្តែងក្តីសង្ឃឹមថា បន្ទាប់ពីទស្សនៈកិច្ចរបស់នាយករដ្ឋមន្ត្រីនេប៉ាល់ទៅកិច្ចសហប្រតិបត្តិការទ្វេភាគីកម្ពុជា និងនេប៉ាល់ នឹងកាន់តែមានភាពល្អប្រសើរបន្ថែមទៀត ដើម្បីប្រយោជន៍ប្រជាជនទាំងពីរ។ ជាមួយគ្នានោះដែរ សម្តេចប្រធានរដ្ឋសភា ក៏សម្តែងកាអបអរសាទចំពោះការរីកចម្រើនរបស់ប្រទេសនេប៉ាល់ ក្នុងការអភិវឌ្ឍសេដ្ឋកិច្ច សង្គម ព្រមទាំងជីវភាពប្រជាជននេប៉ាល់ មានភាពល្អប្រសើរផងដែរ។
សម្តេចបញ្ជាក់ថា៖ «កម្ពុជាអបអរសាទ ចំពោះកិច្ចសហប្រតិបតិ្តការរវាងរដ្ឋាភិបាល កម្ពុជា និងនេប៉ាល់ ដែលមានកន្លងមក ។ ទាំងនេះបានសំដៅលើកកម្ពស់ជំរុញលើកមវិស័យ ពាណិជ្ជកម្ម ការវិនិយោគ វប្បធម៌ និងកសិកម្មជាដើម»។ សម្តេចបន្ថែមកិច្ចសហប្រតិបត្តិការទ្វេភាគីនេះ មិនផ្តល់អត្ថប្រយោជន៍ចំពោះប្រទេសទាំងពីរនេះ ក៏ប៉ុន្តែវាក៏បានរួមចំណែកក្នុងការរក្សាសន្តិភាព សន្តិសុខក្នុងសកលលោកផងដែរ ខ ណៈដែលស្ថានភាពនៅលើកសកលលោកបានកំពុងប្រែប្រួលយ៉ាងឆាប់រហ័ស។
បើតាមលោកនាយករដ្ឋមន្ត្រីបានឲ្យដឹងថា សម្រាប់ទស្សនៈកិច្ចនៅកម្ពុជាក៏មានជំនួបរវាងអ្នកធុរៈកិច្ចនេប៉ាល់ និងអ្នកធុរៈកិច្ចកម្ពុជា ដើម្បីដកស្រង់បទពិសោធនរវាងគ្នានឹងគ្នាផងដែរ ។ ជាងនេះក៏មានការកិច្ចព្រមព្រៀងមួយចំនួនពាក់ព័ន្ធសេដ្ឋកិច្ច ពាណិជ្ជកម្ម នយោបាយ និងសង្គមជាដើម៕
ចែករំលែកព័តមាននេះ